الله يا أيام الطفولة وذكرياتها الحلوه

فتحت الموضوع ورحت سويت لي كابتشينو ورجعت أرد << السالفه تبي لها قعده ^_^

ربي يعطيكِ العافية أحلى بنوتة على طرحك الرائع بجد اعجبني كثير

..............................................

المحطه الاولى :
اوصف طفولتك بجملة واحدة !

براااااااءة وباختصار يازينها من أيام (:

..........................................

المحطة الثانية :
ما هو اجمل موقف او اجمل ذكـــرى تتذكرها من طفولتك ؟

كنت مع صديقة الطفولة وهي بنت جيرانا مسوين عصابة على واحد من عيال الجيران
الولد في نفس عمرنا وجنسيته باكستاني الله يذكرهم بالخير ^_^
الولد كان يخبي العابه مثل السيارات والكور والألعاب الإلكترونية عن أخته الصغيره في الرمل اللي عادة يكون للبنيان
وحنا اكتشفنا المخبأ وفكرنا نسوي فيه مقلب وكل يوم نسوي بحث في الرمل ونطلع الألعاب وتاخذهم صديقتي للبيت وبعدها نعطيهم اخته اللي انضمت لعصابتنا ^_^
ويجي يدورهم ما يلقاهم ويروح يحط حرته في أخته المسكينه ^_^
وحنا مسوين قمة البراءة ..
وفي يوم رحمت أخته يوم شفته يضربها وعلمت أمي وماقصرت فيني ^_^
وصديقتي بعد أمها ما قصرت فيها ^_^
وصرنا عبرة لمن يعتبر كل الجيران عرفوا بالسالفه ^_^

المهم تبين الولد يتوب وبيطل يخبي العابه في نفس المكان ابداً ما يتوب..
وهالمره صارت العصابه أكبر من كل بيت تطلع بنت أو ولد ويسطون على الكنز الثمين

الولد كان غبي ما يتوب مع انه دافور بالمدرسة وعرفنا انه درس هندسة بترول بعد ما رجع لبلده الله يذكره بالخير ^_^

..........................................

المحطة الثالثة :
ما هو أصعب أو أحزن موقف مر عليك في طفولتك ؟

وفاة ابوي الله يرحمه ويغفر له ويجعل مثواه الجنة

..........................................

المحطة الرابعة :
ما هي أجمل هدية تلقيتها في طفولتك ولم تنساها لليوم ؟

كثيرة الهدايا ما أذكر شي معين بس أحلاها اللي كانت في مناسبات النجاح وأغلبها عرايس

..........................................

المحطة الخامسة :
هل هناك انسان معين كرهته في طفولتك .. ولماذا ؟

لا الحمدلله ما كرهت أحد أصلاً مو فاضين نكره نبي نلعب وبس (:

..........................................

المحطة الســــــادسه :
ما هي اكثر وافضل لعبة كنت تلعبها و أنت صغير ؟


الألعاب الجماعية عموماً وخاصة لعبة الحبل مع بنات خالتي وإلى الآن العبها وهي المفضلة (:

..........................................

المحطة السابـــــعه :
هل ستربي اولادك بنفس الطريقة التي تربيت بها في طفولتك؟


إن شاء الله الثوابت بتكون نفسها بس فيه متغيرات كثيرة في هذه الأيام لازم نراعيها في التربية و كل كم سنة تتغير طريقة التعامل وتربية الأطفال على حسب هذه المتغيرات

..........................................

وإن شاء الله نشوف مشاركات الأعضاء وعلى اساسها نثبت الموضوع لأنه برأيي يستاهل


تسلمين أحلى بنوتة وتدوم لنا افكارك الحلوه