بسم الله الرحمان الرحيم

عبد الرحمن بن مساعد ..



الشاعر الرائع يجذبني كثيرا ما يخطه قلمه ...
ويعجبني أكثر حين يلقي الشعر بصوته ..
فسمحوا لي بأن اضع بعض كتاباته علها تحوز على اعجابكم..



* قالو عن الأمير ..

_الامير عبدالرحمن بن مساعد هو
للأمانه اول شاعر معاصر في الشعر
النبطي .. أرجله ثابته على التراث
ومستنير إلى حد بعيد جدا.. ويلتقط
المفارقات الانسانيه والاجتماعيه
بسخاء..
_شعر الأمير عبدالرحمن أحيا مشاعرنا
وجدد فينا الحياة ..وحرك الساكن في بحور الشعر
والخيال الكامن في نفوسنا ..وكنا محتاجين فعلا لمثل هذه القصائد
لتوقظ احاسيسنا مرة
أخرى بعد ان خمدت منذ فتره طويله.
قصائده متنوعه .. منها السياسيه ومنها الاجتماعيه ومنها الانسانيه..
ومنها العاطفيه ومنها الوطنيه والقوميه ..
تنوع وثراء وعمق وبساطة .. بساطة السهل الممتنع.
فضلا عن أداءه الواثق وعن جمعه بين العاميّه والفصحى بهذا الاسلوب
الرشيق ومنتهى الذكاء في التناول يلتقط لقطات إنسانيه
مثل الكاميرا التي تركز على منظر معين تلتقطها وتبرزها امام الناظرين ...



* بــقلم الشاعر ..



عرفت أنني ولدت في باريس . وباريس مازال لها مكانة خاصة لدى عبدالرحمن بن مساعد .
في السنة الأولى من الولادة (بعد شهرين تقريبا) ..
انتقلت مع العائلة إلى بيروت .
بدأت المرحلة الدراسية , انتظمت في مدرسة تعتمد في تعليمها الأساسي على الجانب الإسلامي ,
والدي كان ومازال يهمه هذا الجانب ,
حفظت القران صغيرا , وأفادني ذلك كثير ,
في ثقافتي وفي تربيتي , ولغتي وكذلك أخوتي .
بعد ثلاث سنوات تقريبا من دراستي في بيروت ,
قرر الوالد العودة بنا إلى الرياض
وأكبر تحوّل حدث في حياتي بعد الانتقال
هو اكتشافي أنني (أمير) , لم يخطر في بالي يوما
من قبل أن أكون في مثل هذه المكانة الاجتماعية ,
فالحياة التي عشتها سابقا تخلو من المميزات .
ولكن طريقة الاستقبال , ثم المعاملة بعد ذلك
أوحت إلي أنني أتمتع بمكانة خاصة ,
ثم علمت تدريجيا ماذا تعني كلمة (أمير) ..
ما هي تبعاتها الاجتماعية ومسؤولياتها ؟ ..
وعرفت بعد ذلك أن لي جدا عظيما تتحدث عنه أقاصي الدنيا
هو الملك (عبدالعزيز) - طيب الله ثراه-
الذي سمعت ودرست سيرته العظيمة ,
وسكنت تتردد في عقلي ..
ولم أستطع ترجمتها حتى أتيحت لي فرصة كتابة أوبريت الجنادرية ,
فوضعت الكثير من أفكاري في (كتاب مجد بلادنا) .
ولكن اكتشافي أنني أمير لم يخلّ باتزاني , ولم يدفعني لاستخدام صلاحيات لم تكن متوفرة لدي ,
فأنا أساسا عشت حياة بسيطة لم أحب أن أفرط بها ,
ولم أضغط على نفسي لأتعامل مع الآخرين برسمية أو تكلف.....



* من قصائده الإجتماعيه..

^^الحــ ـ ـ ـ ـ رامـ ـ ـ ـ ـي^^

إحترامي .. للحرامي !!
صاحب المجد العصامي ..
صبر مع حنكة وحيطة ..
وابتدا بسرقة بسيطة ..
وبعدها سرقة بسيطة ..
وبعدها تَعدى محيطه ..
وصار في الصف الأمامي .. !
احترامي .. للحرامي .. !!
احترامي .. للحرامي ..
صاحب المجد العصامي ..
صاحب النفس العفيفة ..
صاحب اليد النظيفة ..
جاب هالثروة المخيفة ..
من معاشه في الوظيفة ..
وصار في الصف الأمامي ..
احترامي .. للحرامي .. !!
احترامي .. للحرامي ..
صاحب المجد العصامي..
يولي تطبيق النظام ..
أولوية واهتمام ..
ما يقرب للحرام ..
إلا في جنح الظلام ..
صار في الصف الأمامي
احترامي .. للحرامي .. !!
احترامي .. للحرامي ..
صاحب المجد العصامي ..
يسرق بهمة دؤوبة ..
يكدح ويملي جيوبه ..
يعرق ويرجي المثوبة ..
ما يخاف من العقوبة ..
صار في الصف الأمامي ..
احترامي .. للحرامي .. !!
احترامي .. للحرامي ..
صاحب المجد العصامي ..
صار يحكي في الفضا ..
عن نزاهة ما مضى ..
وكيف آمن بالقضا ..
وغير حقه ما ارتضى ..
صار في الصف الأمامي ..
احترامي .. للحرامي ..
احترامي للنكوص ..
عن قوانين ونصوص ..
احترامي للفساد ..
وأكل أموال العباد ..
والجشع والازدياد ..
والتحول في البلاد ..
من عمومي للخصوص ..
احترامي للصوص .. !!

أستمع للقصيدة



* ومن قصائده الجميلة التي يشكر عليها ..

^^ الفـ ـ ـ قـ ـ ـ ير ^^

فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبر ٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
وقتها الىَ ندمت .. ونفسي كرهت
عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجى
من الجحيم الا بأمل عندي وحيد
ان الله غفـّار ورحيم
ابسألك ياصاحبي عني أنا في وقتها
ماني فقير ؟؟؟

أستمع للقصيدة



^^أحــمــد مــحــمــد ســلامــة ^^

في زمن وهمي من الأزمان
كان ياما وياما كان ..
سلطنة وسلطان ..
وف يوم من الأيام ..
يتصفح السلطان جريدة ..
موضوع يسترعي اهتمامه ..
أحمد محمد سلامة ..
فـرد من أفراد شـعبه ..
يائس وأوضاعه صعبه ..
في الصبح يشتغل بواب ..
في مدرسة أطفال ..
وفي الليل يشتغل شيّال ..
عنده ثلاث عيال
فيهم مرض نادرعضال ..
ماله علاج إلا فبلدان بعيدة ..
كلفته ما يحتملها وفاقته أصلاً شديدة ..
انسدت الدنيا أمامه ..
وارتأى أن الطريقة الوحيدة ..
لفتح أبواب الأمل ..
انه يوجه ندا .. عبر الجريدة ..
لاهل الكرم .. واهل الشهامة
تبرق .. في عين سلطان البلاد غمامة ..
ويهطل الدمع من عينه ..
يمسح الدمع بكفوفه ..
ويخلع العمامة ..
ويرفع للسما راسه ..
ويقول ..
ياربي الفرد الصمد ..
سترك وعفوك ..
ألهتنا عن الناس ..
أمور الحكم والسياسة ..
ينادي سلطان البلد :
يا حاجب ..
استدعي معالي وزير السلطنة الأول .. رعد ..
يجي رعد .. ويبدي ولاَءه واحترامه ..
ـ صاحب المجد والكرامة ..
سيدي السلطان أمرك ..
ـ أي كرامة يا رعد .. أي كرامة
والمواطن في البلد .. ضايع مقامه ..
اتركك عن هالحكي .. واسمعني زين
هذي مليونين خذها ..
وصلها لمحمد سلامة
أحمد محمد سلامة
خذ الجريدة .. تلقى التفاصيل في الجريدة
لكن اسمع يا رعد .. ما أبي يدري أحد
أحذرك .. لا صحافه .. ولا جرايد
هذي لوجه الله أبيها ..
ويعلم الله .. من وراها ..
ما أبي مدح وقصايد ..
أرتجي عفو الكريم ..
في يوم بالأهوال زايد ..
ـ سيدي السلطان خيرك .. في القديم وفي الجدايد
ربي يجزيك المثوبة .. ويعينك بوقت الشدايد
ـ يخرج رعد .. ويستدعي وزير المال والأحوال ..
مرسال ..
يجي مرسال .. أمرك معالي وزير السلطنه الأول ..
تعال يا مرسال .. فوراً وفي الحال
خذ المليون هذا ..
وسلموه .. للمواطن أحمد محمد سلامه .. من سيدي السلطان
خذ الجريدة .. تلقى التفاصيل في الجريدة
مرسال .. لابد هذا يتم الآن .. فوراً وفي الحال
وبأقصى درجات السرية والكتمان ..
هذي أوامر سيّدي السلطان ..
يخرج مرسال .. ويستدعي كبير الحراّس
فراس .. يجي فراس
أمرك يا وزير المال والأحوال ..
ـ فراس .. تعال
خذ هذي خمسمية ألف ..
سلموها .. للمواطن أحمد محمد سلامه .. من سيدي السلطان
خذ الجريدة ..
تلقى التفاصيل في الجريدة
خذها الآن ..
فوراً وفي الحال سلمها .. وبأقصى درجات السرية والكتمان
هذي أوامر سيدنا السلطان ..
يخرج فراس .. ويستدعي النقيب ..
حبيب ..
يجي حبيب .. أمرك ياكبير الحراس
ـ حبيب تعال ..
خذ هذي المية ألف ..
سلموها للمواطن .. أحمد محمد سلامه .. من سيدي السلطان
خذ الجريدة ..
تلقى التفاصيل في الجريدة ..
خذها الآن سلمها .. فوراً وفي الحال ..
وبأقصى درجات السرية والكتمان ..
هذي أوامر سيدنا السلطان ..
يخرج حبيب ..
ويستدعي مسئول المساكن
مازن ..
ـ مازن .. تعال .. خذ الخمسين ألف هذي
سلموها للمواطن .. أحمد محمد سلامة .. من سيدي السلطان
خذ الجريدة .. تلقى التفاصيل في الجريدة
خذها الآن سلمها ..
وفوراً وفي الحال ..
وبأقصى درجات السرية والكتمان ..
هذي أوامر سيدنا السلطان ..
يخرج مازن .. ويستدعي رئيس الحي ..
اللي ساكن فيه أحمد ..
عبد الحي ..
يجي عبد الحي ..
ـ عبد الحي تعال
خذ هالعشرين ألف
سلموها .. للمواطن أحمد سلامه
خذ الجريدة .. تلقى التفاصيل في الجريدة
خذها الآن .. وسلمها لأحمد سلامة
عبد الحي ..
أهم شي السرية والكتمان ..
هذي أوامر السلطان ..
يخرج عبد الحي ..
ويتوجه لمكتبه في الحي ..
ويستدعي مساعِدُه أمين ..
ـ تعال ياأمين .. تعال .. شوف الجريدة
وخذ الألف هذي ..
سلمها لأحمد سلامه
ساكن هناك .. عمارة في آخر الشارع
جنب مدرسة الكرامة ..
الدور الرابع .. شقة ستة
وديها الآن .. وقل له ..
هذي من سيدنا السلطان ..
واسمع ياأمين ..
احرص على السرية والكتمان ..
هذي أوامر السلطان
أمين واقف ورا باب شقة
أحمد محمد سلامة ..
يدق الباب ..
صوت من خلف الباب ..
ـ مين ؟ ..
ـ أنا أمين .. مساعد رئيس الحي ..
عبد الحي
يفتح الباب .. أهلين وسهلين ..
ـ هذا بيت أحمد سلامه
ـ نعم أنا أحمد سلامه
ـ أحمد محمد سلامة ؟ ..
ـ أحمد محمد سلامه ..
ـ ممكن إثبات
ـ طبعاً أكيد
ـ فعلاً أحمد محمد سلامة
سيدنا السلطان .. موضوعك استرعى اهتمامه
سيدنا بيسلم عليك
وحب يطمن عليك
وكلفنا ننقل لك رسالة :
سيدنا السلطان .. أدام الله أيامه
يتمنى للأطفال عندك ..
كل الشفا وكل السلامة
مبروك يا أحمد تستاهل ..
مع السلامة .. !

أستمع
للقصيدة



^^أســ ــ ــئل الأعـ ـ ـمـ ـ ـى ^^

اسئل الاعمى .. ان كان في نومه يشوف
ليه يصحى
واسئل الى مادرت عنه الهموم
الى درا ان العمر محدود
وان الفرح مهما اختفى.. موجود
اسئله ليه ينوم؟
وان جاوبوك اسئلني ليه حنا افترقنا
ياصاحبي مابه سبب لفراقنا
غير اننا جينا بزمن ماهو زمنا
ياصاحبي مابه سبب لفراقنا
غير اننا في حبنا عشنا الصدق
وفي وقتنا وشهو الصدق
في وقتنا لجل اللقاء تكذب
ولجل تاصل ماتبي تكذب
ياصاحبي خذها من جرحي نصيحه
كانك تبي تاصل ؟ اكذب .. اكذب .. اكذب
الصدق في وقتنا اصبح فضيحه
في وقتنا دايم تهيم في شي ماتعرف مداه
دايم تهيم فلي بعد عن سكتك
والي زهد في محبتك
والي فيدك ومتحمل جروحك معك
مايهمك تنساه

أستمع للقصيدة



^^ نــ ـ ـحـ ـ ـس^^

يوم الاثنين اغتنى .. وصار بين الاغنيا ترتيبه الثالث
يوم الثلاثاء الفجر .. مات في حادث

,,,,,,,,

فريق كورة .. دائما ً ترتيبه في الدوري الاخير
واذا لعبوا واستبسلوا .. قبل الاخير
وبعد السنين الممحلة .. جاهم رئيس ثروته كثر التراب
عيّن مدير .. عنده من الخبرة كثير
شال الكبار ولعّب شباب
وجاب المدرب اللي له اسم ٍ مهاب
واتقدموا .. وصلوا للدور النهائي
ويوم النهائي .. قبل المباراة بدقايق
في البلد حصل انقلاب

,,,,,,,,

مسكين .. شين وفقير
وفي الدراسة حاول انه يستمر .. ومااستطاع
وضعه صعب ..ابوه مات وهو صغير
وماترك له الا الفقر .. وامه واخته .. والهم من فوقه وتحته
ومالقى لجل الهروب من الضياع .. الا انه يدور وظيفة .. أي وظيفة
ولقى من ضيقته مخرج .. وظيفة دخلها معقول .. يمشـّي الحال لو اعرج
ومرت سنة وسنين ..
والمسكين .. صارت كل آماله زواج
واتزاحمت في داخله الاسئلة ..
منهي اللي بتقبله ؟ .. وليه ؟
وفي يوم مامثله ابد .. شافها .. اجمل من اجمل مارأى
واضحكتله ... مستحيل !! ...اضحكتله
ومشت من اول الحارة .. ولحقها
وادخلت في بيت جاره ..
سأل عنها وعرف ... قنوعة واسمها سارة
تصير اخت لمرة جاره
ارسل لها اخته .. تجس النبض
جت البشاير
راح لمه .. وفرحته كبر السما والأرض
وافقت !! .. ابشرك يمه .. لقيتها يمه
سارة اخت حصة مرت منصور ..
ابيها وهي تبيني .. وابغى منك الشور
خلاص يا يمه خلاص .. بقول لهمومي الوداع .. بقول لهمومي الوداع
قالتله امه :
يا ولدي .. بس هذي اختك في الرضاع

أستمع للقصيدة



^^لـ ـ ـي صـ ـ ـاحـ ـ ـب^^

لي صاحب ٍ مرة وأنا جالس معه
كان في بالي بداية فكرة لمطلع قصيدة
وكنت أحاول قد ماقدر .. شتات فكري أجمعه
أتذكر أنه قاللي في وقتها .. رغم اني ما كنت اسمعه
هالدنيا ذي مافيها شي مبهج
كل شي ممل .. أيامنا مثل الجرايد ..
كلها سواسيه
أتذكر اني وقتها تمتمت وقلت .. دونما تركيز
فعلا .. معاك حق .. هذي حقيقة قاسية
أتذكر انه قاللي .. رغم اني ماكنت اسمعه
حبيبتي مادري قست .. والا نست
أو انها متناسيه
أتذكر اني قلت له .. أيضا دونما تركيز
فعلا .. أكيد .. معاك حق .. فعلا ظروفك قاسية
أتذكر أنه قاللي وقاللي وقاللي
لين الشعر فيني تلاشى .. وقتها صرت اسمعه
كان يتأملني ويقول :
ليه الفرح دايم لأيامي يتحاشى
تبغوا الخلاصة القاسية ؟
صاحبي في يومها كم كان مزعج .. حيل مزعج
مثلما رنين الهاتف الجوال .. وسط هذي الأمسية..

أستمع للقصيدة



^^تـ ـ ـعـ ـبـ ـت^^

تعبت أنزف جراحي حبر و أدور للألم iiأسباب
لجل أكتب شعر يحكي بعض أصغر iiمعاناتي
قفلت من الأسى بابي وسجنت الكون خلف iiالباب
وعصتني دمعةٍ فيها سؤال لكل اجاباتي
ملل أخبار حسّادي أحد صادق وأحد iiكذاب
و أحد ما طال تجريحي و أحد عايش iiلزلاتي
أنا شاعر رغم أنف الحسد والحقد و iiالأحباب
وانا ياحاسدي المسكين بعيد العيب عن iiذاتي
أنا ما زادني شعري ولا زادتني الألقاب
تجي دنياي أو تدبر عزيز فـ كل حالاتي
أنا فرحي لمِن حولي وأيامي فدى iiالأصحاب
قصيدي بلسم المجروح ونبض الناس iiأبياتي
**رني قلبي الم**ور نادت دمعي الأهداب
تعبت أركض ولا أوصل ولاتوصلني غاياتي
أبي ذل ٍ يغطي الأرض لك يا رب يا iiوهّاب
وابي أحيا جبيني فوق ما تملكني iiرغباتي
من الدنيا أنا مابي سوى عفو العلي iiالتواب
ويحسن خاتمة فعلي ويغفر لي ضلالاتي
أبملا العمر "بالتوبة" و "نوح" و "هود" و"الأحزاب"
متى كانت سنيني عمر انا عمري في iiركعاتي

أستمع للقصيدة



^^ الـ ـ ـشـ ـ ـاعـ ـ ـر الأول^^

قـرّر التاجـر يكـون الشاعـر الأول
افرحوا يا اهل القصيد وجهزّوا الساحة
سهلّوا الأوزان لجل المبـدع الأفضـل
بعد إرهاق العمـل يحتـاج لـه راحـة
فاضي هو يوزن ؟ .. كلامه كامل مكمّل
يكفي انّه لجلنـا يكتـب عـن جراحـه
ال**ـر فاسماعكـم وإدراككـم يجهـل
عبقرية فرحتـه والفـن فـي نواحـه
جدّدي له يا صحافـة عهـدك الأمثـل
وارسمي الأشعار صحرا وشعره الواحة
واكتبي عنه العظيـم الشامـل الأشمـل
كان يحتاج الشعـر جهـده واصلاحـه
واسألي كيف ومتى وهل كان أو يعقـل
عمرنا من غير فكره تكمـل افراحـه ؟
وين " نوبل " عن قلم من أشرق واشعل
ظلمـةٍ كنّـا بهـا أفناهـا مصبـاحـه
من يقول ان الشعر في وقتنـا مبهـذل
شعرنا عقب الخسايـر زادت ارباحـه
لحّنوا الشعر البديع الأصعـب الأسهـل
واعرضوه بكل شاشة ليـل واصباحـه
وادفعوا للـي شـدا للشاعـر الأجـزل
مبلغ وقدره " كذا " يستاهـل صياحـه
ابشروا يا مطربيـن الدفتـر الأجمـل
يكفي عن مُـرّ السـؤال وذل إلحاحـه
دفتر ٍ فيه القصايـد تشتـري الأخطـل
وعنتر يضحّي بعبله ويرمـي سلاحـه
دفتر ٍ فيه المعاني في اليميـن اسفـل
أقوى أبياته : فقط لا غيري في الساحه

أستمع للقصيدة



^^تـ ـ ـعـ ـ ـاريـ ـ ـف^^


الاقتصاد

ناس تزرع من فجر ربي
إلين الشمس تغرب
وناس تصحى في العِشا
تتولى تقسيم الحصاد

بغداد

حضارة شاهقة
وأمجاد
أقدار صلفة
وشعب يفاخر بنزفه
وتحتاج الحكاية لص
يصير الأقوى بالصدفة
ويكون القاضي والجلاد
وبحسن إعداد
وقدرة فائقة
في البطش والتنظيم
وبداعي خوفه
الأطماع والتقسيم
والأنواء
يقسّم شعبه لأجزاء
جزء يعيش في المنفى
وجزء في عيشته منفى
ومواطنين
معززين مكرمين
مقرنين
في الأصفاد
بغداد
خبر لو أنها أنداد
مدينة .. بائها بوابة التاريخ
ودالها دنيا من الأمجاد
سنين صلفة
وشعب يفاخر بنزفه
وتحتاج الحكاية لص
يصير الأقوى بالصدفة
ويوطد حكمة الأوغاد
بغداد

السجون

هي مكان
لعزل من يخرج على القانون
وان غدا القانون جائر
تصبح القضبان دنيا
تعزل الخارج عن المسجون

النفاق

رغم اختلافك
تبقى آرائك وآراء الذي تخشاه
دايم في اتفاق
أو نقول : هو انتمائك
كل فتره لانتماء
أو نقول : هو ارتماء
أو بمعنى آخر نقول : النفاق
هروله صوب اليهود
وبُكى على أطفال العراق

السراب

وهم .. ما هو ماء
لكن يعطي للظامي أمل
وإحساس مفعم بالرجاء
والسراب ينادي : يا ظامي تعال
ما بقى الا خطوتين
وتنعم برشف الشراب
أو بمعنى آخر
نقول : السراب
الوعود اللي قطعها
المرشح للمرشح في انتخاب

الجزيرة

الجزيرة من قديم الوقت تُعرف :
بالمكان اللي يحيطه ماء من كل الجهات
وفي جديد الوقت دولة
ما عجبها وضعها وسط الخريطة
قالت اتعدى حدودي ..
و اثبت لغيري وجودي .. في الحياة ..
و هكذا نقدر نقول ان الجزيرة :
دولة مغمورة صغيرة ..
كبرت وصارت قنااة


التطبيع

التطبيع .. ربط المصالح للجميع ..
يبغى عدوك يشتري ..
ليه ماتبيع ؟!
ليه مايكون الراعي هو ؟!
ليه ماتصير انت القطيع !
وش يمنع ان الذئب يصبح
حارس الحمل الوديع ؟!

الإرهاب

تدبير إجرامي ..
قتل مدنيين ..
ترويع أبريا ..
تطبيق شرع الغاب
هدم البيوت العامرة ..
سفك الدماء الطاهرة ..
قتل الكهل والشاب
وان قلنا اسرائيل تفعل كذا دوما ً !!
تقول أمريكا :
مايعتبر إرهاب !
كي يعتبر إرهاب .. فيه شرط إلزامي ..
يكون إسلامي .. ومدعوم من أعراب

مؤسسة خيرية

مشروع يعُنى .. بتخفيف الألم
والمرض ..
والكمد ..
يعنى بتعمير المساجد ..
والمساكن ..
والمدارس ..
والمشافي ..
داخل وخارج البلد ..
يُعنى بفك الدين ..
تفريج الكرب ..
رفع المشقة والكبد ..
يُعنى بتقريب المسافة للرغد ..
مؤسسة خيرية ..
فرقها عن غيرها ..
كونها سرية ..
تعطي ولا يعلم أحد
مؤسسة خيرية
عبدالعزيز بن فهد

أستمع للقصيدة

يـــتـــبع ,,