طبعآ الموضوع
م ل ط و ش

ليعوفو الشباب بنات اليوم

عندي مشكله نقدر نقول عنها انها مشكله اغلب البنات

ألا وهي مشكلة ( صب القهوة .. وما ادراك ماصب القهوه )

قبل لا اطرح المشكله واظهر الحقائق والخفايا واكشف الاوراق

خلوني اسألكم سؤال : ليش لاجونا ضيوف لازم نشربهم قهوه ؟

ليه يعني مايشربون ببيتهم بعدين يجون لنا؟ طيب ليش مايجيبون قهوتهم معهم ؟ وكل واحد يصب لنفسه ؟

ليش وليش مهو عصير يطقون الكاس ونخلص ؟؟؟؟؟
يعني تجيني امي وتقول : بعد المغرب بيجونا حريم .

اقولها : منب طالعه لهم مالي نفس .

تقووول : تراهم مهب ميتين عليك بس مين اللي بيصب القهوه ؟

يوووووووه صارت عندي حالة نفسيه من صب القهوة

لاني اذا باصب القهوة لازم اول البس وطبعا عشان البس قبلها وجلس ساعة

قدام دولابي اختار ملابس .. همن استشور شوشتي

هذا غير المكياج يووووووووووه مشوااااااااااااااااااااااااااااااار

شي ثاني وهو اني ادخل على الحريم وانا ماسكه القهوه مدري احط القهوه

على الطاوله وادور اسلم !!!!!!

والا ادور اصب القهوة واسلم بنفس الوقت !!!!

والا ادخل اسلم بعدين اروح اجيب القهوة !!!!!

بعدين انا مدري اصب بالدوووور من اليمين والا اروح لاكبر وحدة !!

سـألت امي هالسؤال وقلت بكل غباء : يمه اصب بالدور والا لاكبر وحدة ؟؟
(((( والله العظيم ياليتنا مثل المصاريه فنجال واحمد ربك))))


صب القهوة شي مهب زين ات از نت نااااااايس

لاني اصير اطامر بين الحريم ومايمديني اخلص الا فيه وحدة خلصت فنجالها

وتأشرلي امي .. صبيلها .. يعني من جد عذاااااااااااااااااااااااااااب

هذا غير لامني صبيت لوحدة واقولها : سمي . تقول : بس!!!بس بس

اقول بيني وبين نفسي : هاهاها تحسبيني بأترجاك .. شربتيها والا عساك هاهاها

بس يجي صوت امي ويحطم علي متعتي واحلااامي

: ( وش بك ماتقهويتي ؟ طيب اخر فنجال ... )

ياربييييييه .. وتجلس امي ها الفنجال بس ما تقهويتى وانا واقفه آكل هواء

( وجع طيب .. مدي ايدك خوذي الفنجال والا قسمن لا اصبها عليك )

V
V

هذا انا اقوله بيني وبين نفسي

والشي اللي يقهر بعد انه لاصارت وحدة تسولف

بنص السالفه تأشرلي اختي ( وحدة خلصت فنجالها قومي صبي قهوة )

اقوم انا أأشرلها بعد ( ليش ياعمتي !! وراه ماتصبينلها انتي ؟؟ )

ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل

مايضرها لو صبرت شوي .. خلاص بتموت اذا ماصبينالها على طول

لا نكون نشتغل خدم عند ابوها وانا مدري

عاد كله كوم واذا جوكم ضيوف فاضين كووووووووووووووووم

يجلسون يعزمون على بعض والله ان تاخذينه انتي لا والله انتي

طيب وانا اللي واقفه محد فكر فيني . والا عشان اصب القهوة صرت صفر على الشمال

اصابعي مولعه من الحرررارررة وهم جالسين يعزمزن على بعض

وقتها يجيني شعور اني ودي اصب القهوه على روسهم واقول لا انتي ولا انتي

محد بيشرب قهوة .. خلالالالالالالالالالالالالالالالاص

والا لاجت وحدة تميلح وتقوم تمسك الدله اقا له تبى تصب وهى تنا ظرنى

يعني تعالي .. من الأساس وشوله اللقافه

واروح لمها واقول : ( هاتي عنك ) . تقول : ( لاه عادي ) ..

اقطعي واخسي تراني منب اترجاك هاتي الدله اقووول

بس تبين تصيرين سنعه قدام الحريم ..

وععععع الللللللله لا يعيده من موقف شعووور شين

شي ثاني لا مننا قلنا (( تفضلوا العشااااء ))

آآآآآآه و آآآآآه ثم آآآآآه مدري وش يصير فيهن !!!

والله العظيم ترانا قلنا تفضلوا للعشاء !!!

يقعدون يسولفون ولااااااااا كأنك تحكين ......... ما روح اضفه وخليهن يموتن من الجوع


وعلى بال مايمشون او بالاحرى يتسحبون من الغرفه الى المقلط

يااااااااي طيب اذا ماتبون تتعشون وش مجلسكم لوقت العشاء ؟؟

((( سؤال مههههم يطرح نفسه )))

عاد انا جتني فكرة اننا نقولهم قبل لا يجهز العشا بنص ساعة

تفضلوا للعشاء >>>>> يازينك ساكته

والا مايقومون الا لما اروح عند وحدة وحدة واقولها تفضلي

مابا قى ألا ...اقول تكفون لله يخليكم تفضلو على العشاء واحبب روسهم

مير ودي اترجاهم واقولهم لا عاد تجون لمنا انا مااحب العزايم اللي ببيتنا

اكرررررررره العزايم اللي ببيتنااااااااااااااااا

وكل هذا كوم.......... ولا صار معهم بزارين........بس يترددون على المطبخ تقل مفاجيع
ابى... وابى ... وابى ....

من جـــد معاناه ولا وش رايكــــم :d :d :d