أولا أبارك لكم منتدى الإنمي




وأسأل الله أن يجعله فاتحة خير على الأمة الإسلاميه d;7




المسلسل اللي بتكلم عنه هـو مسلسل رائع رائع رائع بشكل ما تتصورنه وهـو مسلسل


BLEACH

.
.
.
زمن المسلسل هـو الوقـت الحاضر << لا يا شيخ




أولا بذكر لكم أبطال المسلسل وبعدها نذكر لكم وش السالفه
.
.
.
Ichigo Kurosaki

وهذا هو نفس الآدمي اللي بصورتي الرمزيه(:

طالب بالثانويه وعمره 15 سنه. يعيش مع والده الدكتور الداج وخواته الثنتين . وأمه توفت الله يرحمها وهو صغير . كوروساكي ايتشيقـو له موهبه وهي انه يشوف الأرواح .
.
.
.
Rukia Kuchiki

أما بالنسبه لروكيا . فهي كما يسمونها shinigami أو Deathgod وهي جايه من الـ soul socity أو مجتمع الـروح وهي مسؤولـة عن حمايه الأرواح وقتل الـ Hollow اللي يأكل الأرواح وترسل الأرواح الطيبه لـمجتمع الروح اللي هـو soul socity .
.
.
.
Yasutora Sado (Chad)

هذا يا طوال الأعمار خوي ايتشيقو ويسمونه تشاد . تخيلو هالعير عمره 15 سنـه ويمتميز بقوه جسمانيه وقبضه لا عطاك فيها بونيه ودعت الملاعب .
.
.
.
Orihime Inoue

اما ذي الطخمه اسمها انوّي وهي زميلة ايتشيقو وتشاد . وهي خاقه مع ايتشيقو . وتتميز بقـوه مدري وش تبي .. شباصاتها تتحول لأقزام يطيرون ويفقعون وجيه اللي قدامها . ولها قدرة على علاج الإصابات.
.
.
.
Uryuu Ishida

هذا يا طوالة الاعمار اسمه ايشدا وهو من ناس يقال لهـم Quincy (كيونشي) وذولا لهم قدرات خاصـه . وهي انهم يستخدمون سهام ضوئيـه ويقتلون فيها الأعداء والـ Hollow وهوايتـه الخياطـه وهو طالب دافـور جدا وذكي جدا وكان حاقد على الـ shinigami لانه كان يتوقع انهم السبب وراء موت جده اللي حجرو له الـ Hollow وفقعو وجه . وحقد عليهم لأن الـ shinigami جـو متأخر وما انقذو جده.
.
.
.
Urahura

هذا أسمه يوراهـورا وهـو اصلا كان يعيش في الـ soul socity بس طلع من عندهم وجاء واستقر في الأرض . وهو منسم للنعله . ويمتلك قوى خارقه جدا جدا




---------------------------------------------

الحين بتكلم لكم عن القصـه وبضيف لكم معلومات عن بعض الشخصيات اللي ما ذكرتها فوق




ايتشيقو زي ما قلنا له موهبة وهو انه يقدر يشوف الأرواح . في يوم من الأيام لما كان منسدح في سريره . دخلت عليه بالغرفه روكيا اللي هي من الـ shinigami( او اللي يسمونها الهة الموت ) وقعدت تتمخطر يقال لها ما بيشوفها الموهم قال وين يا الحبيبه . وهي انصدمت انه يقدر يشوفها . الموهم قعدت تشرح له انها من مجتمع الروح (soul socity) وانهم الهة الموت اللي يجون ويقتلون الـ Hollow اللي يأكلون الأرواح . وانهم يساعدون الأرواح الطيبه ويودونها لمجتمع الروح
.
.
.
أما بالنسبه للـ Hollow

.
.
.
فهم أصلهم كانو أرواح بشـر . بس تحولت لأرواح شريرة لأنهم كانو اشرار في الدنيا . ويتغدى الـ Hollow على الأرواح الطيبه واللي حمايتهم هي وظيفة الـ shinigami . والـ Hollow ذولا يطاردون اللي لهم قوة روح قويـه .
وشوفو كيف الهولو يعرفون اصحاب الروح القويه . لانه تظهر عليهم هاله مثل ذي
.
.
.

.
.
.
نعـود لقصتنا




الموهـم ايتشيقو كان يسولف مع روكيا . شوي دخلت عليه اختها الصغيره وهي خايفه وقالت اختي الثانيه (نسيت اسمها) ساعدها ساعدها . واغمي على اخته وفراح ايتشيقـو يدور على اخته وقالت له روكيا انثبر بس انا بروح له . الموهم مالكم بالطويل تهور ايتشيقو وراح للوحش وكان بياكله . فجت روكيا ونطت على الوحش وانجرحت . فقالت له تبي تساعد اهلك قال ايه . قالت بعطيك شوي من قوتي عشان تصير مثلي shinigami وتنقذهم . فقال انا موافق . فجاء حبيبنا واخذ كل قوتها . وطبعا روكيا قمطت العافيه . تقول من ذا الانسان اللي عنده قوة روح ماهيب طبيعيه .




هذي بداية القصه . اما الأحداث فشوفوها بأنفسكم .




الأن بتكلم عن الـ shinigami اللي هم اللي يحمون الأرواح الطيبه ويلعنون خيّر الأرواح الشريره



ذولا جايين من مجتمع الروح زي ما قلنا . وهنا نظامهم نظام شديد . فهناك رتب وتصنيفات مثل العسكريه . وكل ما زادت الرتبه كل ما كان صاحبها اكثر قـوة. وطبعا هؤلاء يعتبرون من الساموراي لأنهم يقاتلون بالسيوف. ولكل واحد سيف خاص فيه ولهذا السيف أسـم انا ناداه تطور السيف من شكله العادي لمرحلـه اسمها الـ zanbaktu وهي مرحلة قويـه يتغير فيها شكل السيف وتصير له خصائص معينه . اما المرحلة اللي بعدها فأسمعها Bankai وهي مرحلة صعبة جدا جدا لأي واحد يوصل لها وما يجيدها الا بعض القادة في الـ soul socity .




وبعد هذي المقدمـه بتكلم لكم عن سيف ايتشيقـو



وهـو سيف ماهوب طبيعي شكله مميز ( وتلاحظون شكله في البوستر اللي بأول الموضوع)
أسم سيفه يا طوالات الاعمار : zangetsu
.
.
.

ووظيفته هو مساعدة ايتشيقـو انه يستفيد من قواه . ويمد ايتشيقو بقوى ماهيب طبيعيه .
.
.
.
مسلسل رائع بشكل ما تتصورنه




أنصحكم تتابعونـه






هذا كل مافي جعبتي

الله معاكم ( :