على أمرك يا بعـد نبـض الخـفوق وهاجسي ومناي
مدامك ماتبــي وصــلي أنــا وش عــاد يبقينـي .. ؟

أبحفـظ مابقــى لـي مـن كرامـه وأستـحـث خطـاي
علــى درب الغــيـاب وويــن مـــاودى .. يوديــنـي ..

وإذا هفــهف علــى صـدري " هـواك " وحدني لاقصـــاي
دعيــت الله : ( يطمــن في بعــادي قلبــي وعينـــي ) !

وطلبتــه ,, مثل ما مكـّـن غــلاك وركـزه بحشـــاي
يشيــله مــن معاليــقي قــبل لا [ الوجـد ينهيـنـي ] !!


ولعلمــك ..لو عـرفت إنـي " أبثــني عزمك " برجـاي
( أمــوت ولا ترجيتــك ) وقلبـــك بـايـــر ٍ فيــنـي ..!!

و لو انــك قلـــتها تــبغـى تشــوف " معزتـك جــواي "
أو انـك قلــتها سـاعه غضـــب والذنــب كاسيــني ..

لا أجيــك بكــل حيـلاتي من أيــام الصبـا لـتـلاي
( واشـري رضــاك لـو كـان المقابـل بـاقي سنيـني )
ولكـن مالمستـه بـك " قتــل حتـى العتـــب بشفـاي "
غــرام ٍ مــــات في عينــك علـى فرقــاك يغـــريني ..!!

حسـافة .. كنـت احسـب انـك تـقــدر طيبتـي و وفـــاي
وعلــى اقــل احتــمال ,, " تـراعي اللــي بيـنـك وبـيني "

توقعــت إنــك " أخلـص من عـرفت وشفـت في دنيـاي "
أشـك بكــل مـن حــولي و وحــدك [ مــاتخلــينـي ] !!

طلــبت البــعد في وقــت ٍ أبـيـــك تكـون بـه يمنـاي ،،
بــعد ما " جـارت أيــامي علـّـي " وحـــارت يدينــي ..

ولايخــفاك .. صـكات الزمــان وماحصــل ويـــاي
ولو مــافي يــدك حــاجه .. [ وجودك كان يكفينـي ] !

تـّـوفي لو بعـض ديـنك إلين آقـف علـى ماطــــاي
لعـــل يكــون لــي صـبر ٍ على " الفــرقـا " يقدينـــي ..

على كل حــال .. مـاينفــع مــلامــي لك وكثـر حكاي
عن اذنــك .. [ برحـل لـدرب الغـياب اللــي ينـاديني ] ..!!



من متصفحيـ.,,,