ياصاحبي مادام ضاع الرجا فيـك=ماريد حبٍ فيه مثلـك وشـرواك
على العسر واللين قلبي يصافيـك=وأثرك ابو وجهين والغدر مبـداك
في ما مضى أحب شوفك وطاريك=واقول طول الوقت والله مانسـاك
وأقول ليتك تطلب البيع وأشريـك=ما دامني في عشرتك لتبع ارضاك
واليوم يـا الغـدار الله يجازيـك=روّح وانا بروح قـررت فرقـاك
انته نسيت وخنت عهدك وماضيك=وانا محيت اسمك ورسمك وذكراك
لو يرجع اللي فات ما عاد يمديـك=بيدور وقتك ما تصافيـت ويـاك
وفرْ جهودك لا تغـرك هقاويـك=واحسب لخطواتك على قد ممشاك
أنا احمد الله بان عيبك وخافيـك=واليوم قررت اتركك واقطع أرشاك
دوّر على منهو يـودك ويغليـك=اللي إلى زليت يسمـح خطايـاك