قصة درب المحبه من تأليفي قصه سعوديه حساويه

		منتديات الوجدان > المنتديات الثقافية والأدبية > الإبداعات الأدبية والرواية
قصة درب المحبه من تأليفي قصه سعوديه حساويه

توبيكات للماسنجر

اجعل كافة الأقسام مقروءة

الإبداعات الأدبية والرواية كل مايتعلق بالقصة والرواية

الإهداءات
إضافة إهداء

صفحة 1 من 6

10-12-2007, 03:54 PM

رقم المشاركة : 1

ولد الاحساء

.:: وجداني نشيط ::.

ولد الاحساء غير متصل

قصة درب المحبه من تأليفي قصه سعوديه حساويه

بسم الله الرحمان الرحيم
السلام عليكم ورحمة الله وبركاته
اول قصه من تأليفي بعنوان درب المحبه قصه سعوديه حساويه بعض الكلمات حساويه الله يعينكم
اتمنى ماحد ينقل القصه الى منتدى ثاني
اذا احد بينقل القصه في منتدى ثاني نقله بسمي (عبودي ولد الاحساء)
وانا كل يوم بنزل جزاء
نبداء بالشخصيات
عائلة محمد (بو بندر) الاخ الاكبر
محمد:رجل طيب وحنون بس اذا عصب مايعرف احد يشتغل في ارامكو متزوج ثنتين
حصه:ام بندر الزوجه الاولى ماتحب ليلى(الزوجه الثانيه) ولا ترضى على عياله وخاصه عبير
ليلى:ام نا صر الزوجه الثانيه اهي بعد ماتحب (حصه)ولاترضى عياله يكلمون اخوانهم ملاحظه(ليلى وحصه ساكنين في نفس البيت وحده في الطابق الاول والثانيه في الطابق الثاني)
نجي الي اعيال ام بندر
عبير:جميله واخلاقه طيبه عمرها 28سنه عانس ماتحب طاري الزواج تشتغل معلمه
بندر:وسيم وثقيل ومغرور عمره 25 سنه توه جاي من لندن دارس ادراة اعمال والحين يشتغل في احد الشريكات
بدر:وسيم صايع ماظلت بنت في الاحساء الا رقمه عمره 21سنه يدرس في جامعة الملك فيصل
قمر:اسم على مسمى قمة الجمال اجمل وحده في العائله شعره بني وطويل رومنسيه وهادئه عمرها 18سنه في صف ثالث ثانوي
ساره:عصبيه اشوي دايم تتخانق مع زوجة ابوها جمليه جدا عمرها 17سنه في ثاني ثانوي مرجوجه اشوي تحب الرقص
نجي الى اعيال ام ناصر
مشاعل:طيبه حييل تحب اخوانه من ابوها وتحب زوجة ابوها وكل تحاول تصلح مابين اخته ساره واقرب وحده له قمر دايم تروح لها من غير امهاماتدري عمرها16سنه في صف اول ثانوي
ناصر: عكس اخته مثل امه ودائما يتخانق مع ساره عمره 15سنه في صف ثالث متوسط مايحب الدراسه
احمد:مومثل اختها ولا مثل اخوه متوسط وعمره 12 سنه في صف سادس
ريناد :عمرها 7سنوات في صف اول ابتدائي اخر العنقود

عائلةصالح (بوزياد)الاخ الاصغر من بوبندر

صالح:رجل طيب وحنون يشتغل في ارامكو
لطيفه:طيبه وحنونه ومثل كل الامهات

زياد :وسيم وقمة الجمال اجمل واحد في العائله وصديق (بندر) الروح بالروح ودرس معاه عمره 25سنه رومنسي
اسماء :جميله بس دبه عمرها 22 سنه خلصت ثانوي وجلست في البيت كوميديه وصوته يجنن
شهد:طيبه وحنونه صديقة (قمر)الروح بالروح عمرها 18سنه وفي صف ثالث ثانوي وجميله
عبدالله: عمره 15سنه اخر العنقود في صف ثالث متوسط
عائلة عبدالكريم(بوخالد)الاخ الاصغر من بو زياد
عبدالكريم: عصبي جدا يشتغل ظابط وبخيل
فوزيه: طيبه عكس زوجه واهي حامل في الشهر الثامن مثل مايقلون بالغلط
خالد :وسيم عمره 24سنه عنده محلات جوالات رومنسي
الجازي والعنود: تؤام جملين عمرهم 22 سنه مايحبون الدراسه وكله يرسبون وطلعوا من المدرسه صديقات اسماء
عمار:وسيم واسمر وطويل وضعيف عمره 21 صديق بدر الروح بالروح وكله صياعه ويدرس معاه
وفاء :جميله اطول من خواته وعمرها 17سنه صديقة (ساره)الروح بالروح امه مدلعتها حيييييل ورافضها فكرت حمل امها خايفه يروح دلعها

الجد:عيسى طيب حبوب وكله في المزرعه
الجده:خديجه تحب الجمعه والي مايجي يوم الاربعاء ياويله
موسى :طيب وحنون عمره35سنه يحب الاطفال بس عقيم متزوج من خمس سنوات يشتغل مدرس
بدريه: طيب ونفس زوجه تحب الاطفال عمرها30سنه صديقة عبير
طلال : وسيم وحنون على بنات اخوه عمره 27سنه اعزب امه كل تحن عليه علشان يتزوج يشتغل دكتور

((الجزء الاول))
بيت بو بندر يوم الثلاثاء الظهر
بو بندر :يالله ياعيال الغداء
ملاحظه(طبعا الغداء كل يوم على وحده واذا صار على حصه تنزل ليلى وعياله تاكل معاهم واذا صار على ليلى تصعد حصه وعياله فوق وهذا شرط بو بندر)
ام ناصر :انشاء الله انشاء الله
ام بندر في خاطرها:قطع على الصوت وصاحبته
ام ناصر:شخبارج ام بندر؟؟؟؟؟؟ (من دون نفس )
ام بندر من دون نفس:بخير انتي شخبارج ؟؟؟؟؟
ام ناصر:بخير تمام
بو بندر مبتسم:ياحلوكم وانتوا هادين
بندرتوه داخل:السلام عليكم
الكل: وعليكم السلام
بندر:شخبارك يبه؟؟؟؟؟
ابو بندر:بخير
بندر:شخبارك يمه؟؟؟؟؟
ام بندر:بخير الله يسلمك
(وجلس يتغدى)
بو بندرمعصب:وام ناصر مو امك
بندر من غير نفس:شخبارك يمه ام ناصر ؟؟؟؟؟
ام ناصر:بخير الحمد الله انت شخبارك؟؟؟؟؟
بندر:بخير
وجلس يتغداء
بيت بو خالد
بو خالد معصب:عازمه الفريج؟؟؟؟
ام خالد:اشفيك؟؟؟؟
بو خالد:ليش طابخه هالكثر انتي بتاكلينه؟؟؟؟
ام خالد قامت زعلانه
قامت وفاء وراء امه
الجازي :يبه هذا مو كثير
بو خالد:انتي مالك شغل انتي ماتعرفين شى في الحياء لو هذا من عرق جبينك كان ماتلوميني
العنود تتكلم بصوت ماتسمعه الا الجازي:الجازي اكسري الشر
الجازي:انا الله وان اليه راجعون
(العصر الساعه 4 بيت الجد)
الجده:وين بتروح يابو محمد
الجد:بعد في غيرها
الجده:ايه المزرعه اخذني على طريقك ودني بيت صالح
الجد:يالله قومي
الجده واهي طالعه شافته بدريه
بدريه:وين يمه؟؟؟؟؟
الجده:بروح بيت صالح حبيبتي ترحين معاي؟؟؟؟؟
بدريه:لايمه
الجده:انتبهي لنفسك
( الجده تحب بدريه وتخاف عليه حييييل كانه بنته)
في بيت صالح
شهد:هلا وغلا بجدتي تو مانور البيت
الجده:هلا بيك منو رباهله يابيتي وين ابوك؟؟؟؟
شهد:نايم يمه
الجده:وين امك؟؟؟؟
شهد:في المطبخ
اسماء وهي نازله تركض من الدرج:جدتي هنا وانا اقول اشفيه البيت منور
شهد:هي انتي لاتركضين مره ثانيه تسوين زلازال في البيت يالدبه
اسماء:شفتيه جدتي؟؟؟؟؟
الجده: ههههههههه الله يقطع ابليسك ياشهد
ام زياد وهي داخله:شخبارك خالتي؟؟؟؟
الجده:بخير الله يسلمك
ام زياد:تفضلي حياك الله
الجده:زاد فضلك
ام زياد:اسماء حبيبتي قومي جيبي الشاهى
اسماء:اففففف كل انا كل انا خلي الخبله تقوم
شهد:لا روحي انتي عشان تخفين
الجده:صيري انتي يااسماء احسن منه
اسماء وهي تقوم :انشاء الله
ام زياد:هالبنات يكبرون وتزيد لعانتهم
الجده:صبري عليهم يابنتي هذا بنات هالزمن مو مثل بنات اول الوحده اذا قالوا له شى تقول انشاء الله مو الحين من تقلين له شى تاكلك بقشورك
زياد وهو داخل:السلام عليكم
الكل:وعليكم السلام
زياد:شخبارك يمه خديجه؟؟؟؟؟
الجده:بخير الحمدالله
زياد:اشفيك يمه؟؟؟؟؟؟
ام زياد:هالبنات
زياد:اشفيهم بعد؟؟؟؟
ام زياد:يعني انت الحين ماتعرف طبع خواتك هالكسولين
زياد:انشاء الله اتزوج وحده احسن منهم تخد مك وتخد مني
ام زياد:متى عاد؟؟؟؟
زياد:غريب
الجده:تبي تصير مثل عمك كل ماقلت له متى بتتزوج قال غريب
زياد جاك الموت ياتارك الصلاه:انا عندي شغل بااي
الكل :باي
الساعه 11 في الليل في بيت بو بندر
ليلى( ام ناصر):هي انتي يالعانس ماشفتي ريناد؟؟؟؟؟
عبيروالدمعه في عينها:احسن منك ياخطافت الرجاجيل وراحت تركض لغرفته تصيح
ليلى تصارخ:ريناد ريناد
ساره طلعت من غرفتها:هي انتي اشفيك تصارخين؟؟؟؟
ليلى :انتي انطمي
ساره:سكتي يا.......... ويقاطعهم دخول بوبندر وريناد
ليلى:وين رايحين؟؟؟؟
بو بندر:رحت اودي ريناد البقاله( سوبر ماركت)يالله تعالي ننام
راحت ساره تتصل على وفاء (طبعا بو بندر موراضي يشتري للبنات جولات يقول هذا سبب انحراف البنت وابو خالد مايحتاج اشرح لكم بس بو زياد اللي شاري حق بناته)
ساره :الو
عمار:هلا
ساره:وين وفاء؟؟؟
عمار:مين معاي؟؟؟
ساره:وانت شيخصك عطني وفاء
عمار:ماعندنا بنات يكلمون هالوقت
ساره:يؤؤؤؤؤؤ ترى بقول لعمي
عمار:اووووووه طلعتي وحده من العائله
ساره:اففففف
وفاء:هلا
ساره:اهلين
وفاء:اشفيك؟؟؟؟
ساره:اخوك طفشني
وفاء:هههههههههه
ساره:شخبارك؟؟؟؟
وفاء:بخير الحمدالله انتي شخبارك؟؟؟؟؟
ساره:تمام بتروحين بكره بيت جدي
وفاء:اجل اشلون تبين امي خديجه تفضحنا
ساره:هههههههههه
وفاء :احد يفوت هالراحه احنا نتسانه على احر من الجمر
ساره:أي والله جيبي معاك بكره ملابس عشان ننام بيت جدي
وفاء :طيب
ساره :يالله اخليك بااااااااااااي
وفاء:بايات

شنو تتوقعون يصير في بيت الجد

10-14-2007, 01:00 PM

رقم المشاركة : 2

ولد الاحساء

.:: وجداني نشيط ::.

ولد الاحساء غير متصل

( الجزء الثاني)

في المدرسه الفسحه
قمر:هلا
شهد:اهلين
قمر:كيفك؟؟؟؟
شهد:بخير انتي كيفك؟؟؟
قمر:بخير
شهد:واخيرا جاء يوم الاربعاء
قمر:هههههه شدعوه
شهد:والله زهق كل في البيت محبوسه
قمر :حتى انا والله كل اقول حق امي اجي بيتكم ماترضى
شهد:خلاص هانت مابق الاشهر ونص وتخلص المدرسه
اماني:السلام عليكم
شهد+قمر:وعليكم السلام
(اماني صديقة قمر وشهد من ايام متوسط والحين كلهم في فصل)

في مكان ثاني من المدرسه
مي:هاااااي بنات
ساره+وفاء:هااااياااات
(مي صديقة ساره ووفاء من ايام ابتدائي )
مي:شخباركم؟؟؟؟
ساره +وفاء:بخير الحمدالله
ساره:انتي شخبارك؟؟؟
مي :تمام

(في جامعة الملك فيصل)
بدر:يلا مشينه
عمار:مب تروح تجيب خواتك
بدر:خلهم يولون شايفني سواق عند هم
عمار:احسن لك
بدر:يلا مشينه نروح نتغدى
عمار:يلا

ساره:يؤؤؤؤ احرقتنه الشمس
قمر:اشفيه هذا اخوك ماجاء؟؟؟؟
ساره:مادري عنه

شهد:اشفيكم؟؟؟؟؟
قمر :اخوي تأخر
شهد:تعالو معاي
ساره:يلا
قمر:لايمكن يجي
ساره:انا بروح انتي على كيفك استنيه
قمر:لا اجل بروح
شهد:يلا

اركبو سيارة زياد
ساره+قمر:السلام
زياد:وعليكم السلام كيفيكم يابنات عمي؟؟؟؟
ساره+قمر:بخير
ساره:بننام اهني يلا امشي
قمر ضربت ساره
زياد:انشاء الله

ساره وقمر ادخلو البيت
قمر:الله يقطعك فشلتينه
ساره:شنو فشلتك فيه؟؟؟؟
قمر :سكتي بس
وراحت غرفته

(العصر بيت الجد الكل مجتمع)

ساره:هااا قلتي حق امك انك بتنامين بيت جدي؟؟؟
وفاء:ايه
ساره:شنو قالت
وفاء:امي ماترفض لي طلب بس هالي في بطنها بيأخذ كل الدلع والحنان
ساره:ههههههههه

(في جناح موسى وبدريه)

عبير:ارسلو لكم التقرير؟؟؟؟؟
بدريه تغير ملامح وجه:ايه بس خلاص مافيه فايده
(موسى وبدريه حاول اكثر من مره يتعلاجان بس مافيه فايده)
عبير:تصبري والله يكتب لكم الي فيه الخير
بدريه:انا مو امزعلني الا عمك انكسر خاطره يبي ولد يشيل اسمه(دمعة عينه على خدها)
عبير:مسكين عمي
بدريه:انتي قولي لي شخبارك مع المدرسه؟؟؟؟
عبير:تمام
بدريه:قومي ننزل تحت
عبير:يلا

طلال:شخباركم بنات؟؟؟
البنات:بخير
اسماء:هلا والله باحسن دكتور
طلال:هلا بيك
الجازي:شخبارك طلال؟؟؟؟
طلال:مين انتي الجازي ولا العنود؟؟؟؟؟
الجازي:افاااا انا حبيبتك ماتعرفني؟؟؟
طلال :ايه عرفتك الجازي
العنود:طلالو يعني انا مو حبيبتك؟؟؟
طلال:بعد طلالو ليكون انا اصغر اعيالك؟؟؟؟
الكل:ههههههههههههه
طلال :يالله باي
البنات:وووين؟؟؟؟
طلال:بروح اسلم على امي وعلى الرجاجيل
شهد:توك جاي من المستشفى؟؟؟؟
طلال:ايه
طلع طلال وارح حق الحريم
طلال :ياولد ياولد
الجده ادخل(ام ناصر وام خالد وبدريه بس اهم يتغطون وام بندر وام زياد يتحجبون)
طلال:السلام
الحريم:وعليكم السلام
طلال:شخبارك يمه؟؟؟؟
ام محمد:انا اذ شفت جنبك زوجتك اصير بخير
طلال:غريب
ام بندر:صج انت ليش ماتتزوج؟؟؟؟
الجده:قوليله كل احن عليه بس مو راضي
طلال:تو الناس
ام زياد:وين تو الناس زياد اصغر منك وفي الصيف انشاء الله بيملك
ام خالد:صج بتعرسين زياد؟؟؟
ام زياد:انشاء الله
ام ناصر:مين بتاخذون له؟؟؟
(طبعنا عبير بس سمعتهم يتكلمون عن الزوج قامت)
ام زياد:والله للحين ما بعد يقول مين الي يبي
الجده:سمعت زياد بيعرس وانت لمن تشيب بتعرس

عند البنات
اسماء:اهووه غريبه الاستاذه عبير جايه عندنا
الجازي:اكيد ازهقت من سوالف الحريم والحش في خلاق الله
عبير:ههههههههه الله يقطع ابلسيكم وانتو بس كل مأخذين الحياء اطنازه؟؟؟؟
شهد:اجل اشلون تجلسين تكدرين خاطرك انتي بس بتعشين مره
وفاء:الحياء حلوه
عبير:دريتو ان وصل التقرير حق عمي موسى؟؟؟؟؟
البنات:هااا بشري؟؟؟؟؟
عبير تغيرت ملامح وجه:مافيه فايده
كلهم ازعلو
عند الرجاجيل
الكل مستانس على الجمعه الا واحد واهو موسى
طلال:باركوا له ياشباب(يقصد زياد)
خالد:ليش؟؟؟؟؟
طلال :بيتزوج
خالد:على البركه
بندر:افااا الحين متفقين انا معاك نتزوج في ليله وحده
زياد:ماعليك منه
عمار:اشفيك ماتبينه ندري
زياد:من قايلك اني بتزوج؟؟؟؟
طلال:امك
زياد:ههه امي من السنه اللي راحت واهي تبي تزوجني
طلال:لا شكله هالمره جد
زياد:انا وبندر قايلين بنتزوج بعد سنتين انت زوج روحك ولا بتشيب
طلال:ههههههههه
بدر:انا لو تقولي امي تزوج اتزوج اليوم قبل بكره
الشباب:هههههههههههههههه
عند الحريم
ليلى (ام ناصر):خلاص اشلك بالعيال مايجي من وراء العيال الا عوار الراس
بدريه قامت راحت جناحه تصيح
حصه(ام بندر):اشفيك انتي ماتحشمين لاصغير ولا كبير صدق ماتسحتي
ليلى (ام ناصر):لو سمحتي لاتغلطين وانتي اللي ماتستحين يا قليلة الاادب
حصه(ام بندر):انتي قليلة الادب واهلك ماربك
ليلى خلاص ولعت (عصبت):انتي ياحشره تغلطين عليها؟؟؟
فوزيه(ام خالد)هدو اعصابكم
ليلى :انا مالي جلسه في هالبيت
(طبعنا كل اسبوع يتهاوشون وتمشي ليلى)
في مجلس الرجاجيل
بو بندر في داخله غريبه للحين ماتهوشو
الا تدخل ريناد
ريناد:بيه تقول امي يلا نمشي
بو يندر:هاا انشاء الله في داخله(لازم يصير اهواش )
بوزياد:وين يابو بندر توها الساعه 8؟؟؟
بو بندر:انت اخبر

عند البنات
ليلى معصبه:انا كم مره قايلتلك مكان في اعيال عجوز النار لا تجلسين فيه؟؟؟؟؟
ساره:ماحد عجوز النار غيرك ياحيوانه
ليلى :انطمي مابق الا الاطفال يطولون انسانهم علي وانتي يالله قدا مي روحي السياره واذ شفتك مره ثانيه جالسه جنبهم ياويلك
مشاعل جلست تصيح
ليلى:يالله بل دلع بنات
وطلعو
العنود:بل كلبه زوجة ابوكم
قمر:عادي متعودين على هالجواء

عند الرجاجيل الساعه 12
في زوايه من المجلس جالس فيه طلال وبندر
طلال :الحين انت قول لي مين تحب؟؟؟
بندر:احب بنت عمي .....يقاطعهم جوال بندر
ام بندر:الو
بندر:هلا
ام بندر:يالله قوم نمشي البيت
بندر:اوكي ياالله باي
ام بندر:باي
بندر:خلاص طلول بعدين اكمل لك باي
طلال:اوكي باي
بندر:مع السلامه ياجماعه
الكل راح البيت الا بوخالد واعياله
عند الحريم
وفاء:يمه بتمشون
ام خالد:أيــــــــه
وفاء:انا قلت لك بنام هنا عطيني فلوس
ام خالد:ماعندي روحي قولي لابوك
راحت وفاء لابوه وهو توه طالع من المجلس
وفاء:يبه عطني فلوس انا بنام هنا
طلع بوخالد البوك عطاها 5 ريال
دخلت وفاء داخل وهي تصيح
رمت الخمسه على امه
وفاء وهي تصيح :خليه ينقعه ويشرب مايها حتى على بناته بيصير بخيل وصعدت فوق
وانتهى هذا اليوم

مين تتوقعون يحب بندر
شبيصر بين بو بندر والحريم الثنتين

10-15-2007, 01:47 AM

رقم المشاركة : 3

Xx..LoOoLoOo..xX

Xx..LoOoLoOo..xX غير متصل

..)(..ولد الأحسـاء..)(..

كنتـ هنــاا..؛؛
و حتمـاً
لــي عـــودهـ ..؛
لأتمـ ع ـن بـ ج ـمالكـ أكثر..‘

انتظـــرني..

*لولو*

التوقيع

If чoù càŋ'τ sàч àŋч τнiŋģ ģόόđ ..~

.." ρℓεàsε .. sнųτ ùρ

ツ

10-15-2007, 04:34 PM

رقم المشاركة : 4

ولد الاحساء

.:: وجداني نشيط ::.

ولد الاحساء غير متصل

(الجزء الثالث)

وفاء صعدت فوق تصيح
ساره:اشفيك تصحين؟؟؟؟
وفاء واهي تمسح دموعها :مافيني شي
ساره:كل هالصياح ولا في شي؟؟؟؟
وفاء:ايه
ساره:على راحتك يلا قومي نجهز اكل للسهره
وفاء:يالله

( في بيت بو بندر)
ابو بندر واهو معصب:الى متى نضل على هالحال هااا
انتو حريم كباركل وحده ام اعيال وتتهاوشون
حصه وليلى منزلين راسهم
بو بندر:بس شوفو ان تهاوشتو بتزوج ثالثه
وطلع غرفته ينام

في بيت الجد الساعه 3
ساره:يالله قوليلي ليش مساعه تصيحين؟؟؟؟
وفاء :ابوي
ساره:اشفيه؟؟؟
وفاء:الى متى يجمع فلوس لمتى بيصير بخيل علينها؟؟؟
ساره:اذا تبين فلوس ولا شي قوليلي
وفاء:انتي مومسؤله عني واذا عطيتني واخواني ودمعة عينها
ساره:خلاص ان شاء الله تتزوجين واحد مو بخيل هههههههه
وفاء:هههههههه
ساره :ايه ضحكي تضحكلك الدنيا
وفاء:مسكين عمي وزوجته
ساره:ايه والله الله يرزقهم بالذريه الصالحه
وفاء:اكثر من مره يتعلاجان ولا في فايده
ساره:هذا قضاء الله وقدر
وفاء :قومي ننام علشان بكره العصر نروح مع جدي المزرعه
ساره:أي والله يالله قومي
ونامو

(الظهرفي بيت بو زياد)
زياد:يمه ليش قايله حق زوجات عمامي انك بتخطبين لي؟؟؟؟
ام زياد:ايه احنا نبي نخطب لك نبي نشوف اعيالك قبل مانموت
زياد:اسم الله عليك من الموت يمه
يو زياد:صج ياولدي فرحنه
زياد:غريب انشاء الله
شهد:يؤؤ نبي نشوف عرس من زمان ماصر عندنا عرس
اسماء :أي والله اخر عرس عرس عمي موسى
شهد:يعني من خمس سنوات ماصر عندنا عرس
زياد:ليش ماتعرسون انتو؟؟؟؟؟
اسماء:جاء احد يخطبنها وقلنها لا
بو زياد ناظر اسماء نظره ما فهمت معناه
عبدالله:تركو زياد وزوجوني انا
شهد :ومنهي تعيست الحظ؟؟؟؟؟
عبدالله:امممم ريناد بنت عمي محمد
اسماء:خلاص بكره امي تخطبه لك هههههه
شهد:ههههههه صج يمه ليش ماتحملين؟؟؟؟
ام زياد:لالا بس كفايه انتو خلو الحمل لكم
بو زياد:هههههههه صج اشتقنها حق طفل يصيح
ام زياد:انشاء الله تشوفون ولد زياد يصيح
الكل:انشاء الله
(في العصر بيت الجد)
الجده:يلا يابنات بترحون؟؟؟؟
ساره:ايه لحظه الحين بنجي
وراحو المزرعه

بندر :الو
زياد:هلا
بندر:مشتهي اروح المزرعه تروح معي
زياد:اوكي
بندر :بمر عليك يالله باي
زياد:باي

نزل زياد من فوق
شهد:وين بتروح
زياد:وانتي شدخلك؟؟؟
شهد :يؤؤ قولي وين بتروح؟؟؟؟
زياد :المزرعه
شهد:صج بروح معاك
زياد:مافيه حريم
شهد:الا فيه كل خميس جدتي تروح ومرت عمي موسى
زياد:انا بروح مع بندر
شهد:ايه عادي
زياد:انزين روحي قولي لامي ولبسي عباتك وتعالي
قالت حق امه وطلعت
اركبت السياره
شهد واهي مستحيه:السلام
بندر:وعليكم السلام
(شهد تسحتي من عيال عمامه كلهم)
اوصلو المزرعه
وكانو الموجودين (الجد-الجده-ساره-وفاء-موسى-بدريه-طلال)
زياد+بندر:السلام عليكم
الكل :وعليكم السلام
الجده:وليش انتي ماتسلمين ولا على راسك ريشه؟؟؟؟
شهد:السلام
الجده:اشعقبه الحين جيتي تسلمين
شهد في داخلها عاد جدتي مو بتخليني في حالي
بندر:انتي شنو تسوين اهني؟؟؟؟ (يقصد ساره)
ساره:مثل ما انت تسوي
بندر :انتي لسانك يبيله قص
ساره:شهد تعالي
شهد:هلا
وفاء:قومو نروح عند المسبح
شهد+ساره:يالله

(في بيت بو خالد)
في غرفة بوخالد
ام خالد :هاذي ام زياد بتعرس زياد خلنها نعرس خالد
بو خالد:العرس كله خساره
ام خالد:يعني يظل الولد اعزب طول عمره؟؟؟؟
بو خالد:افففف ياحبكم للخساره
وطلع من البيت

(في المزرعه)
شهد:خلونه نسبح
وفاء:احنا جبنها معانها ملابس انتي جبتي؟؟؟
شهد:ايه
ساره:اجل يالله نسبح

( في بيت بوبندر)
ليلى :خذ هاذي كرتون البيض وتكسره كله في الصاله الي تحت
ناصر:انشاء الله يمه
وراح وكسر البيض كله
وطلعت عبير
عبير:هي انت شنو تسوي؟؟؟
ناصر :اشبقيتي يالعانس روحي بس دوري لك راجل ولا هندي يتزوجك
واسمعت ام بندر :ياقليل الادب شنو ها الكلام؟؟؟؟
وجاء بدر وعطه كف ما ينسه طول حياته
وصعد عند امه
ناصر واهو يصيح
ليلى:اشفيك؟؟؟؟
ناصر:بدر ضربني
ونزلت ليلى واهي معصبه
ليلى :انت بأي حق تضرب ولدي؟؟؟
بدر:انتي لو سامعه ولدك شنو قايل
ام بندر:تدري شنو قايل اهي الي معلمته
بدر :ليش تخلينه يكسر بيض يالي ماتستحين
ليلى :انا ماستحي وتوه بتعطيه كف مسك يده ودفه
ليلى:اصبر لمن يجي ابوك
حصه تضحك
ليلى:وانتي بعد
حصه:هههههههه

(في المزرعه)

الجده:يالله نبي نفرح فيك قبل مانموت
طلال:غريب انشاء الله
الجد:نبي نقولك سكت اعيالك عور راسنه
الكل:هههههههه
ساره:العروس عندي
وفاء :مين؟؟؟
ساره:مي
وفاء:صج جمال واخلاق
طلال:مين مي؟؟؟
ساره:صاحبتنه
الجده:وي اذ مثلك مانبيها
ساره:واشفينه احنا؟؟؟؟؟
الجده:طولت هاللسان
شهد:ماعليك منهم عمي اخذ اماني صديقتي
طلال:ليش انتو ماتمشون مع بعض في المدرسه؟؟؟؟؟
ساره:لا انا ووفاء ومي زوجتك مع بعض
شهد:وانا وقمر واماني زوجنك مع بعض
طلال:اشدعوه كم واحده بتزوجني؟؟؟؟
بندر:اشعليك يدورن لكم مو احنا
الجده:اذ تبي ادرولك بدورلك
بندر :لابس خلاص
الكل:هههههههههه
بعد الصلاه الكل راح لبيته
(بيت بويندر)
بو بندر واهو يصراخ:بدررر بدر بدر
ام بندر:اشفيك؟؟؟
بو بندر:وين ولدك ابدير؟؟؟؟
ام بندر:في غرفته
بو بندر:روحي ناديه
ام بندر:لاتهاوشه زوجتك اهي الغلطانه
بوبندرراح غرفت يدر
يويندر:ياجليل الحيه ترفع يدك على اخوانك وام ناصر
وعطه كف ماينسى طول حياته
طلع بو بندر من البيت

(في بيت بو زياد)
طق طق طق
بو زياد:عبود قوم افتح الباب
عبدالله:انشاء الله

عبدالله:هلا عمي
بوبندر:هلا بيك وين ابوك ؟؟؟؟؟
عبدالله:داخل
(دائماً اذ تظايق بوبندر يروح لي اخوه بو زياد)
بوزياد:هلا بوبندر تفضل
يوبندر:زاد فضلك
بو زياد:عبود قول حق امك تسوي الشاهي
اشفيك يا بو بندر؟؟؟؟؟
بوبندر:توني ضارب بدر
بوزياد:ليش بدررجال تضربه؟؟؟
بوبندر:قال السالفه كله حق بو زياد
بو زياد:احسن حل انك تخلي ام ناصر في بيت وام بندر في بيت
بو بندر:لالا انا ابي اعيالي بعد موتي يكنون يد وحده موانا اروح افرق بينهم
بو زياد:على راحتك بس مره ثانيه لاتضرب بدر تفاهم معاه
بو بندر:ما مسكت اعصابي

(في بيت بوخالد)
بوخالد معصب:خففو من الاضواء
ام خالد:يؤؤ اشفيك؟؟؟؟
بوخالد:ليش المصابيح كله مشغله
ام خالد:انشالله الحين بنخفف منها آه آه آه آه
بو خالد :اشفيك؟؟؟؟
ام خالد:مادري يمكن بولد
وفاء جات تركض:يمه بتولدين
الجازي:يبه وده المستشفى
بوخالد:يالله لبسوهاعباتها وانا بشغل السياره
ورحو المستشفى

وفاءدقت على خالد:هلا
خالد:اهلين
وفاء:وينك؟؟؟
خالد:في المحل اشفيك؟؟؟
وفاء:امي بتولد
خالد:صج؟؟؟
وفاء:توه ابوي موديه
خالد :مين راح معاه؟؟؟
وفاء:الجازي

في المستشفى
بوخالد خايف لانه حامل وعمرها كبير شوي
والجازي خايفه بعد لانه هذا موشهره
طلع الدكتور
الدكتور:انت زوجه
بو خالد:ايه
الدكتور.......

شنو تتوقعون صار في ام خالد هل ولدت ولا توفيت ولا اجهظت
مين تتوقعون يتزوج طلال اماني ولامي
شنو تتوقعون يصير

10-17-2007, 05:38 PM

رقم المشاركة : 5

ميـــلاف الحب

عضو شرف

ميـــلاف الحب غير متصل

!

! !

بدايــة القصــه مذهلــــــــه

وأكيــــــد راح تكـوـون ممتعــــــه ..

! !

..:: ولــد الأحســــــــاء ::..

تسلمـ إيدينكـ أخيے

شــاكرـرـرهـ لكـ الإبـــداع المنظـوـر

أسجل اعجـــابيے بكـ دائمــــــــاً وأنتظرـر جديدكـ

وليے عـوـودهـ بإذن الله لتكملـــــــة الباقيے

دمت ودامـ تواصلكـ الرـرائع

تحيتيے وتقديريے لكـ

دمتمـ بخيرـر

! !

!

التوقيع

الـوداع

10-18-2007, 04:09 PM

رقم المشاركة : 6

ولد الاحساء

.:: وجداني نشيط ::.

ولد الاحساء غير متصل

الجزء الرابع)
الدكتور :مبروك جاك ولد
بوخالدالفرحه على وجه:اهي شخبارها؟؟؟؟
الدكتور:بخير
الجازي فرحت دقت على بيتهم:السلام
العنود:ها بشري؟؟؟
الجازي:ردي السلام
العنود:يؤؤؤ احر ماعندي ابردماعندك
الجازي:ههههههههه امي جابت ولد
العنود:كللللووووووش
الجازي :باي
العنود:باي

وفاء:هابشري؟؟؟؟
العنود:جابة ولد
الا يدخل عمار وخالد
خالد:ها اتصلو؟؟؟
العنود:ايه
عمار:اشفيها؟؟؟
وفاء:جاء اخو لكم
عمار:اوه زين
العنود:يعني الحين صرنه ثلاثه ثلاثه؟؟؟
عمار:تعادل
الكل:ههههههه
الا يدخل بوخالد والجازي
خالد:على البركه يابو خالد
بوخالد:الله يبارك فيك عقبالك
خالد:الله كريم
العنود:ها يبه شنو بتسميه؟؟؟
بوخالد:بكره نسأل امك

انتشر خبر ولدت ام خالد
(يوم السبت الظهر بيت بو بندر)
قمر:يمه بتروحين بيت عمي عبدالكريم
ام بندر:لا بروح بكره اليوم تعبانه
بدر:شنو سماه؟؟
ساره:عيسى

(العصر بيت بو خالد كان موجوده ام ناصر وعياله)
ام ناصر:يتربه في عزكم
في غرفة وفاء
وفاء:ليش ما جات ساره؟؟؟؟
مشاعل:بتجي بكره مع امها
وفاء:يعني مابتجي امها اليوم؟؟؟؟
مشاعل:لا
وفاء:اهااا
في الصاله
الجده +بدريه:السلام عليكم
ام ناصر+ام خالد:وعليكم السلام
الجده:مبروك ماجاكم
ام خالد:الله يبارك فيك
بدريه:يتربه في عزكم
ام ناصر:عقبالك يابدريه
بدريه زعلت
الجده تبي تغير الموضوع:وين البنات؟؟؟
ام خالد:كل وحده في غرفته
الجده:اشفيهم مايبون يسلمون
ام خالد:قومي ريناد ناديهم
ريناد:انشاء الله
راحت ريناد غرفة وفاء
ريناد:جدتي تبيكم
وفاء:جدتي هنا؟؟؟
ريناد:ايه
وفاء:يالله قومي مشاعل نسلم عليها
ريناد:ونادي بعد التؤام
وفاء+مشاعل:ههههههه
وفاء :انشاء الله
وراحو البنات كلهم
البنات:السلام
الحريم :وعليكم السلام
الجده:لازم الوحده تناديك عشان تسلمون ماتجون من نفسكم
العنود:مادرينه انك هنا
الجده:اشلون مادريتو؟؟؟؟
وفاءبصوت ما تسمعه الا مشاعل:عاد الحين شنو يخلصنه منها
مشاعل:ههههه
وفاء:شخبارك جدتي
الجده:اذ عدتوه ياويلكم
الجازي:انشاء الله
العنود:يمه خديجه اشرايك بعيسى
الجده:هذا احسن منكم كلكم
وفاء:لانه اسمه عيسى؟؟؟
الجده:انجلعي انتي

(في بيت بو بندر)
قمر:اقول ليش امي اليوم مارحت لانه ليول رايحه
ساره:تقول وفاء يوم الاربعاء الجاي بيسون عزيمه
قمر:بمناسبة المولود؟؟؟؟
ساره:ايه
عبير:السلام
ساره+قمر:وعليكم السلام
ساره:هلا بالاستاذه عبير
عبير:ههههه اهلين
قمر:غريبه جاي تزورينه؟؟؟
عبير:خلصت تحضير وتصحيح
ساره:عدل
عبير:الحين بسألك
قمر:سألي
عبير:العطله غربت ولا قال ابوي وين بنسافر
ساره:صحيح اشلون فاتتني
قمر:اليوم لازم نسأله على العشى
ساره:اليوم العشى عند العقربه
قمر +عبير:هههههههههه
عبير:عادي اشدخله فينه هي لازم تروح معنا
قمر:ايه صج
في الليل الساعه 9 الكل مجتمع على العشى
ساره:يبه
بو يندر:نعم
ساره:وين بنسافر السنه؟؟؟
بو بندر:وين تبون ترحون؟؟؟؟
قمر:لندن
ساره:لا باريس
عبير:لالبنان
مشاعل:لا سوريه
ام بندر:لالا نروح بيت الله احسن
ام ناصر:صحيح نروح مكه(اول مره يتفقان وهذا الشي فرح بو بندر)
بو يندر:مافيه شي احسن من بيت الله
بندر:زين
ريناد:ايوه بشوف الكعبه
الكل:ههههههه

(الساعه 11 في احد القهاوي)
بندر:اشفيك طلال
طلال:لعوزاني اهلك كل واحد يشوفني متى بتتزوج كانه مافيه الاانا في العائله
بندر+خالد+زياد:هههههههههههههه
طلال:تتضحكون ها ماجربتو اللي جربته
زياد:تزوج وفك روحك
طلال:ليش ماتتزوج انت
خالد:اذكر سبب ليش ما تتزوج؟؟؟؟
طلال:الزواج مسؤوليه وانا ما شبعت من العزوبيه
بندر:عدل
زياد:انزين ملك
طلال:نفس الشي
خالد:مونفس الشي
عبدالعزير:السلام عليكم
الكل :وعليكم السلام
(عبدالعزيز صديق طلال وام عبدالعزيز بنت خالت طلال ودكتور في نفس المستشفى واعزب عمره 29سنه وحيد امه وابوه)
عبدالعزيز:شخباركم شباب؟؟؟
الشباب:تمام
زياد:انت شخبارك
طلال:نفس حالي بس اهو ازيد
بندر:ليش اهو ازيد؟؟؟
طلال:لانه اهو وحيد امه وابوه
خالد:زين يعني مدلع
عبدالعزير:اول بس الحين خلاص كبرت
الكل:ههههههههه

(يوم الاحد الساعه9 في المدرسه)
ساره :اليوم بجي بيتكم مع امي
وفاء:اوكي
ساره:مين امس جاء؟؟؟؟
وفاء:جدتي وبدريه وليلى وحريم ماعرفهم
ساره:عدل بعني ماجات ام زياد؟؟؟؟
وفاء:لا
مي:شنو اسمه اخوك؟؟؟
وفاء:عيسى
ساره:تعالي اليوم شوفيه
مي:لا ماقدر امي ماترضى

(مرت الايام بسرعه وجاء يوم الاربعاء يوم العزيمه)
بيت بوخالد حوسه
عند البنات
وفاء:بنات سمعتو اخر خبر؟؟؟؟؟
قمر:شنو؟؟؟
ساره:قالت بنات ما قالت شياب ولا متزوجات(خلال الاسبوع اللي مر انخطبت قمر بس للحين ما بعد يردون)
قمر:لاوالله
اسماء:المفرض ماتجلسين معناه روحي مع الحريم
قمر:اشفيكم اليوم مستلميني كل وحده فيكم بتتزوج
العنود:يالله قومي عند الحريم
وفاء:شنو اسم زوجك؟؟؟؟
قمر:اشفيك سويته زوجي مابعد نوافق
شهد:انزين سكتو خلونه نسمع الخبر
وفاء:ايه بكره بنروح المزرعه
البنات قامو يصارخون
عبير جات:اشفيكم؟؟؟؟
ساره:بنروح المزرعه
عبير:انزين خير ياطير
ساره:مالت عليك

عندالرجاجيل
الجد:يالله انا بمشي لا تنسون بكره
الكل:انشاء الله
بو بندر:ها ياخوي اشقلت نروح نخطبلك
بوخالد:انا وحده موقادر واشلون ثنتين
خالد:اشفيك عمي تبي تخرب ابوي؟؟؟؟؟؟
بوبندر:ليش اخربه الزوج موحرام الشرع حلل اربع
بوخالد:الزواج خسارت فلوس خلني انا ازوج اعيالي اول

انتهى الجزء
شنو تتوقعون توافق قمر ولالا
شنو تتوقعون يصير في المزرعه
تتوقعون يتزوج بو خالد
شنو تتوقعون يصير

10-18-2007, 05:39 PM

رقم المشاركة : 7

.:: إبنُ طـيْ::.

الــوجــــدان غير متصل

بجد شووقتناااا

ننتظر الجزء الآخر

ربي يعطيك الف عافية

التوقيع

10-20-2007, 05:02 PM

رقم المشاركة : 8

ولد الاحساء

.:: وجداني نشيط ::.

ولد الاحساء غير متصل

(الجزء الخا مس)
يوم الخميس الكل مجتمع في المزرعه

بدريه وعبير يتمشون
عبير:شلونه عمي الحين؟؟؟؟؟
بدريه:احسن من اول
عبير:شنو قال بترحون تتعالجون ولا بس
بدريه:لاخلاص الي كاتبه الله يصير هذه قضاء الله وقدره انتي شلونك مع الطالبات؟؟؟؟
عبير:الحمدالله
عند الرجاجيل
بو بندر:ها يبه تخاويني في الطريق؟؟؟؟؟
الجد:وين على الله؟؟؟؟
بوبندر:بيت الله
الجد:ماحد يطوف هالراحه متى؟؟؟؟؟
بوبندر:في العطله انشاء الله
الجد:خلاص انا معاك انا وامك
موسى:وانا بعد معاكم
طلال:وانا بعد معاكم
بوبندر :وانت يابو خالد؟؟؟
بو خالد:مابروح ام خالد توه والد عيسى يلعوزنه السنه الجايه انشاء الله
بو بندر:وانت يابو زياد؟؟؟
بو زياد:نشوف العيال وام العيال اذا يبون يرحون مكه نتوكل معاكم
عند الحريم
ام بندر:كل سنه يرحون لندن وباريس ومادري وين قلنا هالمره نغير نروح بيت الله
ام زياد:ايه والله مافي احسن من بيت الله
الجده:صج مافي شى احسن من بيت الله احسن من هالخرابيط بارين وسنلدلد
الكل :ههههههههههههههههههههههههههههههههههههههههه
عند البنات
اسماء:قمر وافقتي؟؟؟؟
قمر:لا طلعت سمعته مو زينه ومسجون مره
الكل :وييييييييييييييييييييييييييييييييي مسجون
وفاء :خريج سجون يعني
الا يدخل طلال
طلال:السلام عليكم بنات
البنات:وعليكم السلام ورحمة الله وبركاته (كنهم في مدرسه)
طلال:يالله حبيباتي طلعوالكتب
البنات:ههههههههههههه
طلال:شخباركم؟؟؟
البنات:بخير
شهد:ها عمي فكرت في اللي قلت لك
قمر:بعد صار بينكم اسرار
شهد:عاد تعرفين شنو السر؟؟؟
قمر:شنو؟؟؟
شهد:بنخطب له اماني
قمر:يؤؤؤ صج؟؟؟؟
طلال:هي مو على كيفك
قمر:جمال واخلاق لاتفوته
طلال:افتك من امي تجون انتو
البنات:ههههههههههههههه
طلال:انا بتزوج اذ تزوجتو انتو
ساره:احنا ريضين انا وقمر لمن تتزوج عبير وعبير شفه متى بتتزوج يعني بتشيب ولابتتزوج
الكل:هههههههههه
طلال:انا بروح عند الرجاجيل ليش انتو ماتقمون تسلمون على عمامكم
اسماء:صج بس نسلم عليهم في العيد ولا بصدفه
طلال:كل هذا تستحون؟؟؟
شهد:أي والله
وفاء:يالله قومو نسلم
الجازي:لااهنك اعيال عمك
ساره:اشعلين منهم؟؟؟؟
وفاء:يالله اللي يبي يقوم يقوم
قامو كلهم
واهم مارين الصاله
عبير:وين رايحين ياجيش العرب؟؟؟
قمر:يالله قومي معنا
عبير:وين؟؟؟؟؟
ساره:بنسلم على عمامي
عبير:غريبه
البنات:ههههههههه
الجده:يالله بقوم معاكم
وراحو المجلس
البنات واقفين عند الباب
شهد:طلول شوف مين فيه؟؟؟؟
الجده:دخلو مافيه الا عمامك واعيال عمامكم
ساره:يالله بنات كل وحده تتغطه وراي
البنات:هههههههه
عبير:انتي القائده
ساره:ايه
ودخلو
البنات:السلام
الرجاجيل:وعليكم السلام
الشباب فتحو عيونهم
بوبندر:شنو صاير؟؟؟؟
الجده:لابس جايجن يسلمون عليكم
بوبندر:عدل عاد انا ما اشوفهم الا في الاعياد الحين ماعرفهم (يمزح)
طلال:يالله روحو سلمو
وراحو سلمو
طلال:اشفيكم انتو يحرمون عليكم طالعو هناك
الشباب:هههههههههه
الجده:لاخلهم كل واحد يختار له وحده يتزوجها
هذا اكبر احراج للبنات كل وحده انقلب وجه احمر وطلعو
ادخلو عند الحريم
بدريه:ها شسويتو في الرحله؟؟؟؟
البنات:ههههههههههههههههه
ساره:عاد سويته رحله
شهد:جدتي احرجتنه
ام بندر:ليش؟؟؟؟
ساره:قالت حق الشباب كل واحد يختار له وحده يتزوجها
الكل:ههههههههههه
عبير:عاد جدتي ما عنده هذا احراج هههههه

عند الرجاجيل
طلال يساسر بندر:ها شفته حبيبتك
بندر:آه آه آه ياليته ماطلعت
طلال:هههههه صج منهي وفاء ولاشهد واسماء والجازي ولاالعنود ؟؟؟؟
بندر:ساره ههههههههه
طلال:صج من هي؟؟؟؟
بندر:مالك شغل
طلال:انزين ليش ماتروح تخطبها؟؟؟؟
بندر:لا تو الناس
طلال:زياد
زياد:نعم
طلال:وين بتروح؟؟؟؟؟؟
زياد:بروح اجيب الشاهي
راح زياد في نفس الوقت كان في المطبخ شهد وقمر
دخل زياد
قمر بسرعه هربت
زياد واقف كانه احد كاب عليه ماءبارد هاذي ملاك على هيات بشر
شهد:هي شفيك؟؟؟؟
زياد:هااا
شهد:اشفيك؟؟؟؟
زياد:مين هاذي؟؟؟؟
شهد:عيب ومره ثانيه اذ بتجي طق الباب
زياد:مادري قلت يمكن مافي احد
شهد:خرعت قمر
زياد:هاذي قمر صج اسم على مسمه
شهد:هييي انا اختك تقول جنبي هاالكلام اشلون من وراي
زياد:هههههههه
وطلع
شهد:تعال
زياد:نعم
شهد:انت شنو تبي جاي؟؟؟؟
زياد:ايه صج جاي اخذ الشاهي
واخذ شاهي وطلع

شهد:خليتيه ينسى شنو يبي هههههههه
قمر:ههههههههه
عبير:اقولك من زمان ماشفت اعيال عمي صارو حلوين
بدريه:اهم من اول حلوين
عبير:لا وين زياد جميل حيل وخالد وعمار كلهم ماشاء الله جملين
بدريه:ماشاء الله بس ناقصهم الزواج
عبير:الله يوفقهم
عند الرجاجيل
موسى:انت اشفيك مو راضي تتزوج
طلال:نروح ونجي على هالموضوع
الجد:صح كلام اخوك
طلال:مو مافيه الا انا عندكم زياد وخالد وبندر
عمار+بدر:واحنا
بو بندر:انشاء الله ماتصير السنه الجايه الا زوجة بندر في البيت
طلال:هاذي انت تزوجة وعمرك30(يقصد موسى)
موسى:لي ظروف لانه ما بعد اتوظف بس انت الحمد الله متوظف شنو ناقصك
طلال:غريب انشاء الله
الجد:كل ماحد كلمك قلت غريب
بندر:جاك الموت ياترك الصلاه
الاتدخل الجده(هاذي اللي بيزيد الطين بله)
الجده:السلام
الكل:وعليكم السلام
الجده :اشفيكم؟؟؟؟
الجد:ولدك للحين مو راضي يتزوج
الجده:هاذني اقولك اذ انا اموت ولا شفتك متزوج اعرف اني زعلان عليك
الكل:اسم لله عليك
الجده:ما بقى من العمر كثر ما مضى
طلال في خاطره صج الى متى ما اتزوج
الجد:شد ي حيلك عشان بنروح مكه
الجده:صج؟؟؟؟
الجد:ايه بنروح مع محمد
بو زياد:وانا بروح
الجده:مافيه احسن من بيت الله وبعد اذ صارت جمعها احسن واحسن وانت ياعبدالكريم مب تروح؟؟؟؟
يوخالد:لا يمه ام خالد توه والد صعبه اشوي
الجده:على راحتك
الجد:بالتوفق انشاء الله
بوبندر:خلاص اول يوم في العطله نمشي عشان اذ جينه نملك لي طلال
الجده:أي والله هاذي اهو يسمع
طلال:انشاء الله
البنات يتمشون في المزرعه
اسماء والعنود والجازي في جه
وفاء وساره في جه
مشاعل وقمر وشهد في جه
بدريه وعبير في جه
مشاعل:ليش ساره تكرهني؟؟؟؟
قمر:ماعليك منها اهي يمكن لانه ماتحب امك
مشاعل:انزين انا شنو ذنبي (جالست تصيح)
شهد:بس خلاص ماعيلك بيجي اليوم اللي بتحبك فيه
مشاعل:كله من امي بس لازم اقول حق ابوي
قمر:شنو بتقولي حق ابوي؟؟؟؟؟
مشاعل:بقوله انه ماترضى اتخلين اجي لكم
قمر:لاتسوين مشاكل بينهم
جات ليلى
ليلى :اشفيك انتي ما تفهمين اتكلم انجليزي انا لاتروحين مع هالاشكال
مشاعل:اذ منعتيني منهم والله بقول لبوي
ليلى:لاوالله اشوفك تهدديني علموك على قلت الادب
قمر:رجأن احترمي نفسك
ليلى:انا محترمه نفسي قبل لااشوف وجهك
ليلى مشت وتركتهم
انتهى هذااليوم
وكل رجع لبيته
انتهى الجزء

تتوقعون بيتزوج طلال
ومشاعل بتقول لي ابوه
شنو تتوقعون يصير

10-20-2007, 05:16 PM

رقم المشاركة : 9

Xx..LoOoLoOo..xX

Xx..LoOoLoOo..xX غير متصل

..)(..ولـد الأحسـاء..)(..

اتلهــفــ لـ إبداعـكـ الشـامخ ..؛

بـ انتظــاااار المزيــد ..؛

مـ ح ــبتي و أكـثر ..

*لولو*

التوقيع

If чoù càŋ'τ sàч àŋч τнiŋģ ģόόđ ..~

.." ρℓεàsε .. sнųτ ùρ

ツ

10-22-2007, 05:10 PM

رقم المشاركة : 10

ولد الاحساء

.:: وجداني نشيط ::.

ولد الاحساء غير متصل

(الجزء السادس)

يوم الجمعه الظهر بيت بو بندر
مشاعل نازله تحت
ساره:هي انتي شنو تسوين هنا؟؟؟؟
مشاعل:اشفيك هذا بيت ابوي
ساره:انتو ماشبعتو اخذتو ابوي والحين تبون تاخذون البيت؟؟؟
تهاوشت معها
راحت مشاعل تصيح
ليلى :اشفيك؟؟؟
مشاعل واهي تصيح :ساره ضربتني
ليلى :تستاهلين انا كم مره قايلت لك لاتنزلي الا على غداء ولا عشى بس انتي ما تفهمين
ليلى نزلت تحت ونزل وراه ناصر
ليلى:هي انتي كفو ترفعين يدك على بنتي؟؟؟
ساره:من تكونين انتي وبنتك؟؟؟
ناصر:هي انتي لاتغلطين على امي
ساره:اسكت انت مابقى الاطفال من تكون امك؟؟؟
ناصر وليلى يضربون ساره وصار هواش
واسمعة ام بندر الصراخ
جات تركض
ام بندر:هي انتو صار الهواش اكبر
الايدخل بوبندر وبندر وبدر
كانو توهم جاين من المسجد
بوبندر فسخ العقال
وطق ساره وام بندر وناصر وام ناصر
الكل استغراب من تصرفه اول مره يسويه
الكل راح غرفة بعد اللي صار ماحد له نفس يتغدى
في غرفة ام بندر
عبير:بس خلاص يمه
ام بندر:اول مره يسويه بعد كل هالعمر يضربني
آه يابوبندر
العصر هدت النفوس بو بندر جمع العائله
بوبندر:ممكن تفهموني شنو السالفه؟؟؟؟
ام ناصر:السالفه ومافيه ان هاذي بنتك قليلة ادب
بوبندر:رجأن لاتغلطين على احد وانتي يام بندر شنو تقولين
ام بندر:احسن حل لي هالمشاكل انك تشتري لي ولي اعيالي بيت واهي تظل في هذا البيت
ام ناصر:احسن
بوبندر:انا ابي اعيالي يكنون يد وحده بعد موتي
الكل:بعد عمراً طويل
بوبندر:فهمتي انتي معها
حصه+ليلى:ايه
بوبندر:واللي صار اليوم ماابيه يتكرر يالله كل واحد غرفته
في بيت بو زياد في غرفة زياد
زياد في خاطره كل ماتكبر تحل ازيده
صج عذاب خلاص اهي لي وانا له انالازم اكلم امي اني اخطبه لامو الحين اصبر اشوي لمن يتزوج عمي وبعدين انا قايل لي بندر بتزوج معه اشلون اخونه بس اخاف البنت تطير مني خلني اخلي بندر يفكر في الزواج ونتزوج يالله الله يكتب اللي فيه الخير
في بيت بوخالد
وفاء:يؤؤؤ يمه سكتي ولدك ابي اذاكر
ام خالد:هذا اخوك اسكت ما ما
وفاء:بقوم غرقتي اذكر احسن
ام خالد:كان قمتي من مساعه
وفاء:صج يمه بيت عمي صالح ومحمد وجدي بيروحون مكه خلينه نروح معهم
ام خالد:ابوك مو راضي
وفاء:اففففففففف وراحت غرفته
في بيت الجد
موسى:اشريك نروح الدمام نتمشى؟؟؟؟
بدريه:على راحتك
موسى:خلاص باخذ اجازه يومين ونروح
بدريه:اوكي اشريك نأخذ خالتي معنا
موسى:مااتوقع ترضى
بدريه:نشوف نسأله
موسى:يالله تعالي
انزلو تحت
موسى+بدريه:السلام عليكم
الجد+الجده+طلال:وعليكم السلام
موسى:بنروح بكره الدمام تروحين معنا يمه؟؟؟؟؟
الجده:زين سويتو انكم توسعون عن صدوركم لا انا مابروح معاكم
طلال:امي ماتقدر تستغنه عن ابوي وابوي ما يقدر يستغنه عن المزرعه
موسى:عدل
في القهو
زياد:انا هالايام جالس افكر في الزواج
بندر+طلال:صج؟؟؟؟؟
عبدالعزيز:وانا امي تدور لي
بندر:مابقى الاانا
طلال:وانا
بندر:لاانت مافيه امل انك تتزوج
الكل:ههههههههه
بندر:صج انت تفكر تتزوج؟؟؟؟؟
زياد:ايه انا قايل لك عشان تفكر بعد انت ونتزوج في لليله وحده
بندر:عدل عاد مو الحين اصبر الى العطله
زياد:اوكي
طلال:انا اكبر منكم لمن اتزوج انا تالي انتو
زياد:اذ عليك مو متزوجين
الكل:هههههههه
طلال:تقول امك تدور لك
عبدالعزيز:أي والله
طلال:يعني بس انا اظل وحدي عزوبي
عبدالعزيز:ايه تالي ما بنجي بنظل مع حريمنه
زياد:انا ما بطلع من البيت
بندر :اشدعوه
زياد:اجل اشلون
طلال:بس الحين تقلون كذ بعدين 24ساعه بر البيت
الكل:هههههههههههه
يوم السبت الساعه9الصباح
موسى:يالله بدريه
بدريه:انشاء الله
وطلعو
العصرفي الدمام
بدريه:واااا من زمان ماجينه الكورنيش
موسى:أي والله
بدريه:شوف البحر حلو حييل
الا يشفون ولد يصيح عمره مايقرب خمس سنوات
موسى:اشفيك بابا؟؟؟
الولد واهو يصيح:ابي ابوي
بدريه:وين ابوك؟؟؟؟
الولد:مادري
موسى :شنو اسمك؟؟؟؟
الايجي ابو الولد
الابو:وين رايح انت يالله تعال
ضرب الولد
موسى:حرام تضربه هذ طفل
الابو:ليكون انت ولي امره وانا مادري
ومشى
بدريه:قلبه مافيه رحمه
موسى:يالله خلينه نروح ناكل شي
بدريه:يالله
في بيت بو بندر
ساره:هاا وش قال؟؟؟؟
وفاء:حاولت امي مع ابوي بس مارضى
ساره:اذ بنروح بقول لي ابوي يكلم ابوك
وفاء:بتروحين اليوم؟؟؟؟
ساره:ايه لازم كل شي ولا مي
وفاء:خلاص بمر عليك
ساره:اوكي يالله بااااي
وفاء:باااي
بدر:مين كنتي تكلمين؟؟؟
ساره:لاوالله انت اشدخلك؟؟
بدر:بسرعه قوليلي مين تكلمين؟؟؟
ام بندر:اشفيكم؟؟؟؟
ساره:هذ مادري شنو فيه اليوم
ام يندر:اشفيك؟؟؟
بدر:خليه تقول مين كانت تكلم
ام بندر:انت اشدخلك ولا مو واثق في تربيتنه
الايدق جوال بدروطلع
بدر:هلا والله
سعاد:هلا بيك حبي
بدر:شخبارك عمري؟؟؟
سعاد:بخير ياقلبي انت شخبارك؟؟؟
بدر:انا بخير دامك بخير
سعاد:بغيتك اسألك
بدر:امري
سعاد:ما تلاحظ ان علاقتي معاك طولت متى بتجي تخطبني؟؟؟؟
بدر في خاطره ههه مسكين تفكر في الزواج:انا بكلم امي بس صارت لنه ظروف
سعاد:شنو صار لكم؟؟؟؟
بدر اهوو شنو اقوله:اهم اول شي يبون بخطبون لي اخوي الكبير بعدين انا
سعاد:اهااا
بدر:اذ تزوج اخو بجي اخطبك
سعاد فرحانه:بيكون اسعد يوم في حياتي
بدر:اوكي حبيبيتي انا مشغول بعدين اكلمك
سعاد:اوكي قلبي باااي
بدر:بااي
بدرطلع

في بيت بوخالد
بوخالد:عواسي
بوخالد يلعب مع اولده
ام خالد:انشاء الله اشوفك تلعب مع ولد خالد
بوخالد:الله كريم
خالد:متى عاد؟؟؟
ام خالد:يؤؤؤ مستعجل يالله عجل عليه يابو خالد
بوخالد:عن اذنكم<<<<<<<السالفه فيه فلوس ههههههه
ام خالد:انشاء الله بحيل الله ماتجي السنه الجايه الا زوجتك جنبك
خالد:يمه هاذي زياد بيعرس
ام خالد:ايه هاذي الي سمعت مابقي الا بندر
وقامت تدق على ام بندر
ام خالد:الوو
ساره:هلا خالتي
ام خالد:وين امك
ساره:دقيقه يممممممممه
ام بندر:اشفيك يالمهبوله؟؟؟
ساره:فوزيه تببك على التلفون
ام بندر :قولي خالتي ام خالد
ام بندر:هلا ام خالد
ام خالد:هلا بيك شخبارك؟؟؟؟
ام بندر :تمام انتي شخبارك؟؟؟
ام خالد:بخير الحمد الله شخبار بو بندر والعيال؟؟؟
ام بندر:بو بندربخير والعيال مول مافيهم احد عدل غير عبير
ام خالد:الله يخليهم لك الا بقول انتو ليش ماعرستو بندر؟؟؟(متصله بس عشان تعرف ليش مازوجو بندر سوالف حريم)
ام بندر:بو بندر قالي لاتضقطين عليه متى ما قال يبي يتزوج بنزوجه
ام خالد:عدل بالتوفيق انشاء الله
ام بندر:وانتو مابتزوجون خالد؟؟؟؟
ام خالد:والله يا وخيتي كل ماكلمت بو خالد قالي بعدين
ام بندر:الله يوفقه
ام خالد:شخبارك مع ليلى؟؟؟؟
ام بندر:هاذي ماعمرها بتتعدل
ام خالد:تجنبيه
ام بندر:خليه تولي الا بقول بتروحن مكه معنا؟؟؟
ام خالد:والله ودنه بس بوخالد موراضي
ام بندر :عدل
ام خالد:يالله اجل لانعطلك مع السلامه
ام بندر:مع السلامه
تتوقعون بوخالد يرضى يزوج خالد
ووفاء تروح ماهم مكه ولالا
تتوقعون زياد يكلم اهله على عرسه
شنو تتوقعون يصير
انتى الجزء

صفحة 1 من 6

الأخيرة »

مواقع النشر (المفضلة)

« اتوقع انه يوجد في هذا المنتدى بنات ســاقطــات """"" | ولد مؤدب أول مره يدخل الفيصليه »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Trackbacks are متاحة Pingbacks are متاحة