حنين لصوتك
احس اني اعيش ببرد
واحس ان صوتك دفء
واحس الناس من حولي جفاف
وانك مطر
تروي جفافي
واعطشك واشرب
وادور حولي للبشر جدران
واحن لدمعتي واسكب من دموعي حبر
ويمتلي فنجان
تقهوينا من دموع الزمن واحترقنا والحطب نيران
هنا وهناك
من الاضعف
من البردان
وابي اكذب عليك واقول انك في صفحتي نسيان
تذكرني
تذكر قبل كم سنه جيتك او انك جيتني ندمان
واخفيت الحقايق واكتشفها قلبي الولهان
وكان الوقت فجر او هو مغرب لكن الاكيد اني سمعت آذان
لكنك ماعرفت اني انتظرتك
واحتسيتك كأس امتلت احزان
وانت اخترت وجبتها يمي تبيني اسمح واصفح بعد هذا من الغلطان
وسامحتك على كذبك وقلنا الكذب له الوان
نبرر غلطتك ليه
وبعد الحب ايش الي صار
اكتشفت الكذبه الاكبر الي يذوب معها مابقى في داخل الوجدان
بعد هذا تجي تسأل ايش الي صار