ما ارضى لك المذلة
ياولد الناس ابعد انا ما ارضى عليك المذلة
لا ترتجي من قلبي وتطلب منة تكون خلة
ماهو لاجل عيب فيك, او شاف عليك الزله
قلبي ياولد الناس كـــــان له ناسه واهلـــة
قلبي ذاق من الحب مثل ماذقت و بعد اكثـــر
قلبي عطيتة انسان على حب قلبـــي تكبر
قلبي خذا من الهم والجرح لما تحــــــجر
وياليتك تفهمني انت اخو عزيز مواكثر
تذبحني بسمة شفاتك ترتسم لي وما ابادلها
تذبحني فرحة عيونك بشوفتي ومـا الاحظها
وكيف لهفة سلامك واهتمامك عادي امررها
وكيف روحك اللي تبيني وما اقـدر اقدرها
ياولد الناس ابعد انا ما ارضى عليك المذلة
لا ترتجي من قلبي وتطلب منة تكون خلة
ماهو لاجل عيب فيك, او شاف عليك الزله
قلبي لو أمرة بيدي خليتك ناسة واهلـــة
ما ارضى لك المذلة... 
العرض العادي
