السلام عليكم ورحمة الله وبركاته


هذي من القصايد التي رواها الراوي المعروف /

فواز غسلان البقعاوي ((ابو فهد))

الا ويل من روحه عن العشق ماجـازه
ولاتاب قلبه من غـرام امهـات قنـاع

غدن يشفطن قلبه على خشـم بـروازه
وهو صابرن يرجي عنودن وفاها ضـاع

عجز خافقه ينسـى هواهـن ويجتـازه
واذا قلت له ينسى يقول الحشى ماطـاع

عقب شوف من طقت على القلب مخرازه
كفخ له ضمير اللي قضى ليلتـه ملتـاع

بلوط الحشى من ضرب رشاشها بـازه
وريحه سرق روح الهواوي تقل نعنـاع

عليها عبـاة وتحتهـا تلمـع اجنـازه
سحرني سواد رموشها والعيون وسـاع

بتاج الحلا والملح عنـد العـرب فـازه
وشالت ضروس اللي تعاند بـلا مقـلاع

عنودن غدت في عالي الرجـم منحـازه
ذيورن تفز مـن الزماليـق بالذعـذاع

جماله بهر من يرسم البيض باعجـازه
عجز يرسم البسمه ونقشه على الاصباع

ضحى العيد يمشي حط بالردف هـزازه
مع المشي خافت ينفتق ثوبـه اللمـاع

نثر في هشيم الروح بالهجر مـن قـازه
لك الله خطر رمشه مثل طعنة القعقـاع

تعاف الذهـب ناسـن للامـوال كنـازه
وانا مثلهم ماني علـى غيرهـا طمـاع

ضحك لي وقال البيض مقرود من هازه
ومن يقترب يصبح لنوم الهنـاء بيـاع

ترى جرحها الغافل يصير اعظم انجـازه
وتذكر رجالـن بالمحبـه خبرهـم ذاع

وكـم فارسـن دلا يدوهـج بعـكـازه
مع انه عقيدن قاد ربعه علـى المربـاع

وانا اليوم داخل هوشتن غـاب حجـازه
دخلت الهوى واليوم نبكي على المطلاع

غدت دمعتي من حاجـر العيـن نقـازه
يعاهد ويرسل رمح هجره على الاضلاع

وتالي هواهـا بـان بالبـاب مجـلازه
وتقلب قبل كيل المحبه علينـا الصـاع

عطشنا وهو شـال البزابيـز واهـوازه
عنودن عنيدن بالهـوى ذابحـن قطـاع

اخبـر الغـلا يفتـح لغالـيـه دروازه
وهو يقفل ابواب المحبه وحـط شـراع

جرح بالهوى فايـز لحـق درب فـوازه
ويجيك الخبر ياعيد سمـران بالمذيـاع




منقول