بما إني وعدتك ياعابر بسالفة ٍ عن طرائف ليلة الدخله بأقولك السالفه لو إنها طويله شوي بس تحملوا ياللي تقرونها بعد لأن تخبرون سالفة شيبان لازم يخلونها طويله وبأقولها لكم :

هذا اللي يسلمكم رجَّـالٍ يبي يتزوج على بنت ( أكيد بيتزوج بنت ) a;1
المهم قال لأهله أنا رجال ٍ الله لا يعوق بشر من نخلص الزفه أبي ننطلق للشقه
وناخذ شناطنا وندز للمدينه وبعدين لمكه وناخذ عمره وبعدين نحدد وين نبي بعدها نروح
وبلا عزايم بلا رحاله بلا هم ، وكل هالخرابيط بعد السفرهـ وخبروا نسباي علشان يجهزون .

المهم الرجال تزوج وبعد الزفه أخذ العروسه وركبت السيارهـ w;6
وانطلقوا للشقه وخذوا الملابس وهي عليها شرعتها وركبوا السيارهـ لكن هي من زود الحيا وهالبنت معروف
عنها الحيا الزايد وهي تركب بالغمارهـ الخلفيه ( ماركبت بجنبه )j;7
ويحاول يخليها تركب قدام لكن رافضه فخّلاها على راحتها ومسك الخط وأبو الشباب ماسك سوالف معها
وهي ساكته وتعب وهو يحاول يخليها تكلم ولا تكلمت ويعبي بنزين ويشري من المطاعم ويشري من الأكل أنواع
وأشكال ( تخبرون ينذخون العرسان بما إنهم عرسان جدد يحبون يدللون عروستهم )
وطلعت العروس جوعانه ومجوعينها أهلها وهي تضرب بالعصير والأكل وبأحد المرات بس بشويت حيا ، وبأحد المرات وهو واقف يعبي بنزين من المحطه نزل للبقاله يجيبلها أكل أو عصير .

من كثر ماتشرب العروس من العصير احتاجت تدخل الحمام وهي مستحيه منه تقوله فنزلت بسرعه للحمام قبل لا يرجع العريس ودخلت الحمام وطلعت إلا السيارهـ ما هي بمكانها وهي تنسفه العروس وتقعد تركض تدوِّر السيارهـ بكل مكان من المحطه

فالعريس وش صار عليه ؟؟






























العريس ركب السيارهـ ونزل الأغراض على المرتبه الخلفيه من دون لا ينتبه ويسوق ويتكلم والمهم وبعد مسافه طويله الرجال شاف السيارهـ تكبسله بالنور وقعد يلعن ويشتم ( يعني إني قوي ) n;1 ، وفجأهـ مادرا إلا السيارهـ تحدّهـ على جنب الطريق وهو يلعن ويشتم ويبي ينزل يفرد عضلاته قدّام عروسته ويتهاوش وبعد مانزل مفسِّر عن أكمامه مادرا إلا الشايب وعجوزهـ نزلوا عليه .

الشايب يهاوشه ويقول : ألعن الله أبو إبليس أحد يخلِّي عروسته بهالخلا ( بالبر ) يوم ناظر للمرتبه الثانيه ومافيه أحد ويلتفت لجهة سيارة الشايب إلا هذي العروس جته طايرهـ وهي تضمه وهي دموعها أربع أربع .a;8

وبكل صراحه أقولكم : يقولون إن العريس يقول لهم إن ليت هالضيعه جايه مقدمه علشان يجي هالموقف بأسرع وقت m;7 w;6


وأتمنى إن هالقصه تكون أعجبتكم ولا أكون طولت عليكم
وآسفين إذا تعدينا شوي بآخر القصه وقلنا شي المفروض ما نوضحه لكن هذي القصه بواقعيتها وكامله

ومشكووووووور ياعابر على هالموضوع اللي بصراحه ذكرني بقصة الرجال علشان أضيفها
ضمن موضوعك وتقبل تحية مني n;4