تبي تقسا تبي تجفا انا ما ينحنى راسي
ابيك اليوم تنساني وتنسى الحب واحزانه

انا صابر على ظلمك انا عاشق باحساسي
اراعي من يراعي الحب ويعرف كل اوزانه

عطيتك حب من قلبي تنفسته مع انفاسي
حسبت ان الهوى عادل ولا توجد به خيانه

حسافه يوم صدقتك وقلت انك اعز ناسي
انا ما شفت فيك الا الغدر بكل الوانه

تبي ترجع تراضيني نسيت انك علي قاسي
انا لي قلب ما ينسى ولو عليت من شأنه

انا طبعي كذا حتى ولو عافني جلاسي
اشوف الحق بعيوني واقوله بكل تبيانه

عيونك لو بها حور انا صدق قوي باسي
جمالك ما يهز القلب لو حتى الحلا زانه

تذكر يوم انا جيتك وقلت اهواك يا ناسي
واغليتك على روحي واعطاك القلب تحنانه

رجعت اليوم تبكي لي وتعاتب قلبك القاسي
كشفت بحزن اوراقك وقلبك بانت اشجانه

ترى ما يفيد لو تبكي وقع فاسك على راسي
تحطم فيك انا قلبي وعفت الحب واحزانه

ابيك اليوم ياظالم تذوق المر من كاسي
مصير اللي يخون الحب عليه تدور ازمان

منـــــــــــــــقــــــــــــــــول